ប្រភពព័ត៌មានពី RT ចេញផ្សាយថ្ងៃទី២៤ ខែឧសភា ឆ្នាំ២០១៨
កាបង្ហាញវីដេអូដំបូងនៃការកម្ទេចកន្លែងសាកល្បងនុយក្លេអ៊ែររបស់កូរ៉េខាងជើងនៅទីតាំងPunggye-ri មានផ្លូវរូងក្រោមដីនៅលើភ្នំដែលត្រូវកប់ក្នុងកម្ទេចថ្ម។ កន្លែងនេះត្រូវបំផ្លាញមុនកិច្ចប្រជុំកំពូលដែលគ្រោងទុកនៅក្នុងប្រទេសសិង្ហបុរីដែលឥឡូវត្រូវលុបចោលដោយសហរដ្ឋអាមេរិក។
យោងតាមអ្នកឆ្លើយឆ្លងសារព័ត៌មាន RT លោកIgor Zhdanov ដែលត្រូវអញ្ជើញធ្វើជាសាក្សីក្នុងពិធីនេះបានឱ្យដឹងថា ផ្លូវរូងក្រោមដីចំនួន៣កន្លែងត្រូវគេកម្ទេចចោល។
ប្រទេសកូរ៉េខាងជើងមានទីតាំងអាវុធនុយក្លេអ៊ែរចំនួន ៦កន្លែងនៅតំបន់នោះ។ ការកម្ទេចចោលដើម្បីបង្ហាញពីការប្តេជ្ញាចិត្តរបស់ក្រុងព្យុងយ៉ាងចំពោះការលុបបំបាត់អាវុធនុយក្លេអ៊ែរ បន្ទាប់ពីកិច្ចប្រជុំកំពូលខែមេសារវាងលោកKim Jong-un និងប្រធានាធិបតីកូរ៉េខាងត្បូងលោកMoon Jae-in នៅក្នុងតំបន់គ្មានយោធាដែលបែងចែកឧបទ្វីបកូរ៉េទាំងពីរ។
ប៉ុន្មានម៉ោងក្រោយពីការកម្ទេចចោលទីតាំងនុយក្លេអ៊ែរ លោកប្រធានាធិបតីសហរដ្ឋអាមេរិកDonald Trump លុបចោលកិច្ចប្រជុំកំពូលជាមួយនឹងលោកគីមដែលគ្រោងធ្វើនៅថ្ងៃទី១២ខែមិថុនា នៅប្រទេសសិង្ហបុរី។ អ្នកការទូតកូរ៉េខាងជើងចេញសេចក្តីថ្លៃងការណ៍ដោយលើកឡើងពី«កំហឹងយ៉ាងខ្លាំង និងមិនផ្តល់ជាតម្លៃមិត្តភាពបើកចំហ»៕
