ប្រភពព័ត៌មានពី RT ចេញផ្សាយថ្ងៃទី២៤ ខែមេសា ឆ្នាំ២០១៩
នៅសប្តាហ៍នេះ ប្រទេសរុស្ស៊ី សហរដ្ឋអាមេរិក និងចិនព្យាយាមដាក់សម្ពាធលើក្រុមបះបោរ Taliban ឱ្យធ្វើការចរចាជាមួយពួកអ្នកនយោបាយ និងប្រជាជនស៊ីវិលអាហ្វហ្គានីស្ថាន។ អ្នកតំណាងប្រទេសទាំងបីនឹងជួបប្រជុំគ្នានៅទីក្រុងម៉ូស្គូនៅថ្ងៃព្រហស្បតិ៍ដោយសង្ឃឹមថានឹងអាចបង្កើនល្បឿនកិច្ចចរចាជាមួយក្រុម Taliban។
តំណាងពិសេសអាមេរិកសម្រាប់ការផ្សះផ្សានៅប្រទេសអាហ្វហ្គានីស្ថានលោក Zalmay Khalilzad ដែលធ្លាប់ជួបចរចាដោយផ្ទាល់ជាមួយក្រុមTaliban ជាច្រើនដងមកហើយនៅទីក្រុង Qatar នឹងចូលរួមកិច្ចប្រជុំនៅទីក្រុងម៉ូស្គូ។
ក្រុម Taliban បដិសេធជាយូរមកហើយក្នុងការជជែកជាមួយរដ្ឋាភិបាលអាហ្វហ្គានីស្ថានដែលគាំទ្រដោយសហរដ្ឋអាមេរិក ដោយពួកគេបរិហារលើរដ្ឋាភិបាលថា អាយ៉ងអាយ៉ងមួយ។ ក្រុម Taliban ក៏ប្រកាសពីការចាប់ផ្តើមវាយលុកនៅនិទាឃរដូវប្រចាំឆ្នាំរបស់ពួកគេនៅខែនេះផងដែរ។
