ប្រភពព័ត៌មានពី RT ចេញផ្សាយថ្ងៃទី២១ ខែឧសភា ឆ្នំ២០១៩
យោងតាមប្រភពព័ត៌មានពីក្រុមមន្ត្រីអនុវត្តច្បាប់បង្ហាញឱ្យដឹងថា បុរសម្នាក់ដែលគេចោទប្រកាន់ពីបទបាញ់ប្រហារដ៏ធំមួយនៅវិហារអ៊ីស្លាម New Zealand ប្រឈមនឹងការចោទប្រកាន់ថ្មីរួមទាំងការចូលរួមក្នុងសកម្មភាពភេរវកម្មផងដែរ។ ប៉ូលីស New Zealand ចោទប្រកាន់លោកប៊ីនថេនសារិន(Brenton Tarrant) ពីបទធ្វើសកម្មភាពភេរវកម្ម។
គេប្តឹងលោកដោយចោទប្រកាន់ពីឃាតកម្ម និងប៉ុនប៉ងប្រព្រឹត្តចំនួនពីរករណីថែមទៀត។ បុរសជនជាតិអូស្ត្រាលីអាយុ ២៨ឆ្នាំរូបនេះបន្តការបាញ់ប្រហារមួយដែលធ្វើឱ្យមនុស្សចំនួន ៥១ នាក់ស្លាប់នៅក្នុងវិហារអ៊ីស្លាមចំនួនពីរ (នៅNew Zealand) នៅថ្ងៃទី ១៥ខែមីនា។
លោក Tarrant កំពុងប្រឈមមុខនឹងការចោទប្រកាន់ចំនួន ៩២ករណីរួមមានឃាតកម្មចំនួន ៥១ ករណី ប៉ុនប៉ងសម្លាប់មនុស្សចំនួន ៤០នាក់ និងអំពើភេរវកម្មមួយករណី។ គេចោទប្រកាន់គាត់ថា សរសេរកំណត់ត្រាចំនួន ៧៤ ទំព័រដែលមានចំណងជើងថា “ការផ្លាស់ប្តូរដ៏អស្ចារ្យ” ដែលជាកត្តាជម្រុញឱ្យគាត់អនុវត្តការបាញ់ប្រហារ និងអធិដ្ឋានថា “សងសឹក” ប្រឆាំងនឹងពួកឈ្លានពានមូស្លីម។ អាវុធរបស់គាត់មានសិលាចារឹក និងពាក្យស្លោកណាហ្ស៊ី – ណាហ្ស៊ី ជាពាក្យស្លោករបស់ពួកជ្រុលនិយមក៏ដូចជាឥស្សរជនប្រវត្តិសាស្ត្រដែលធ្វើសង្គ្រាមប្រឆាំងនឹងមូស្លីម។