ប្រភពព័ត៌មាន RT ផ្សាយថ្ងៃទី០៣ ខែកក្កដា ឆ្នាំ២០១៩
នៅថ្ងៃពុធ មេដឹកនាំបាតុករនៅប្រទេសហ្ស៊ូដង់យល់ព្រមចរចាដោយផ្ទាល់ជាមួយឧត្តមសេនីយ៍កាន់អំណាចនេះបើតាមការរាយការណ៍របស់ AFP។ មុននោះ សហភាពអាហ្រ្វិក និងអ្នកសម្របសម្រួលអេហ្ស៊ីបធ្លាប់ជំរុញឱ្យភាគីទាំងពីរបន្តការចរចារលើដំណើរការស្ថាប័នគ្រប់គ្រងថ្មីមួយ។ មេដឹកនាំការតវ៉ាដ៏លេចធ្លោលោក Madani Abbas Madani ប្រាប់ក្រុមអ្នកកាសែតថា សម្ព័ន្ធដើម្បីសេរីភាព និងសម្ព័ន្ធសម្រាប់ការផ្លាស់ប្តូរជួបជុំគ្នា និងសម្រេចចិត្តទទួលយកការអញ្ជើញសម្រាប់ការចរចាដោយផ្ទាល់ជាមួយលោកមេបញ្ជាការ។ បើតាមការរាយការណ៍បានឲ្យដឹងថា ភាគីទាំងពីរមិនយល់ស្របអំពីរចនាសម្ព័ន្ធរបស់ក្រុមប្រឹក្សាអធិបតីដែលរៀបចំឡើងដើម្បីដឹកនាំប្រទេសក្នុងអំឡុងពេលអន្តរកាល៕
