ប្រភពព័ត៌មានពី RT ចុះផ្សាយថ្ងៃទី១៨ ខែកក្កដា ឆ្នាំ២០១៩
AFP រាយការណ៍ថា រដ្ឋមន្ត្រីការបរទេសអ៊ីស្រាអែលលោក Katz ប្រកាសកាលពីថ្ងៃព្រហស្បតិ៍ថាលោកជួបសមភាគី Bahraini របស់លោកជាសាធារណៈក្នុងអំឡុងពេលទស្សនកិច្ចមួយទៅកាន់ទីក្រុងវ៉ាស៊ីនតោន។ នេះជាជំនួបលើកដំបូងរវាងប្រទេសទាំងពីរដែលមិនមានទំនាក់ទំនងការទូតជាមួយគ្នានោះទេ។ លោក Katz សរសេរថា “កាលពីម្សិលមិញ ខ្ញុំជួបជាសាធារណៈជាមួយរដ្ឋមន្រ្តីការបរទេស Bahrain [Sheikh Khalid bin Ahmed Al Khalifa] ខ្ញុំនឹងបន្តធ្វើការជាមួយនាយករដ្ឋមន្ត្រីអ៊ីស្រាអែលលោក Benjamin Netanyahu ដើម្បីជំរុញទំនាក់ទំនងរបស់អ៊ីស្រាអែលជាមួយប្រទេសជាច្រើននៅឈូងសមុទ្រ”។ ទីភ្នាក់ងារព័ត៌មាន AFP រាយការណ៍ដោយលើកឡើងពីសេចក្តីថ្លែងការណ៍របស់ក្រសួងការបរទេសអ៊ីស្រាអែលថា កិច្ចប្រជុំនេះត្រូវសម្របសម្រួលនៅពីក្រោយឆាកដោយក្រសួងការបរទេសអាមេរិក។អ៊ីស្រាអែលមានទំនាក់ទំនងការទូតជាមួយបណ្តាប្រទេសអារ៉ាប់តែពីរប៉ុណ្ណោះគឺអេហ្ស៊ីប និងហ្ស៊កដង់៕