ប្រភពព័ត៌មានពី IraqiNews ចេញផ្សាយថ្ងៃទី០៤ ខែសីហា ឆ្នាំ២០១៩
ប្រភពសន្តិសុខមួយនិយាយថាពលរដ្ឋអ៊ីរ៉ាក់ម្នាក់ស្លាប់ និង២នាក់ផ្សេងទៀតរងរបួសនៅក្នុងការប៉ះទង្គិចគ្នាជាមួយពួកកុលសម្ព័ន្ធស្ថិតនៅភាគខាងជើងរដ្ឋធានីបាដាដ។ ប្រភពបានប្រាប់ប៉ុស្តិ៍ទូរទស្សន៍ Alsumaria ថាការផ្ទុះអាវុធនេះកើតឡើងកាលពីថ្ងៃអាទិត្យស្ថិតនៅក្នុងស្រុក Al-Shoala ភាគខាងជើងរដ្ឋធានីបាដាដបណ្តាលឱ្យមនុស្សម្នាក់ស្លាប់ និង២នាក់ផ្សេងទៀតរងរបួស។ គួររំលឹកថារដ្ឋាភិបាលអ៊ីរ៉ាក់ និងអង្គការក្រៅរដ្ឋាភិបាលបានផ្តួចផ្តើមគំនិតជាច្រើនលើកក្នុងរយៈពេលកន្លងមកដើម្បីបញ្ចុះបញ្ចូលកុលសម្ព័ន្ធដែលជាគូប្រជែងធ្វើការចុះហត្ថលេខាលើញត្តិបញ្ឈប់ការប្រយុទ្ធគ្នាដែលជាការទាមទារសម្រាប់ការរស់នៅប្រចាំថ្ងៃរបស់មនុស្សជាច្រើន។ ការទាមទារនេះផងដែរក៏បានជំរុញឱ្យធ្វើអន្តរាគមន៍ដើម្បីបញ្ចប់ជម្លោះជាមួយពួកកុលសម្ព័ន្ធដែលស្ថិតនៅក្នុងប្រទេសនេះតាមរយៈការបង្ខំកុលសម្ព័ន្ធឱ្យប្រគល់អាវុធរបស់ពួកគេទៅឱ្យកងទ័ពអ៊ីរ៉ាក់៕
