ហ្វីលីពីន៖ យន្តហោះខ្នាតតូចធ្លាក់នៅកន្លែងកំសាន្តបណ្តាលឲ្យអ្នកដំណើរ៩នាក់ស្លាប់

ប្រភពព័ត៌មាន The Asahi Shimbun ថ្ងៃទី០១ ខែកញ្ញា ឆ្នាំ២០១៩

នៅទីក្រុង Karanba រដ្ឋ Rakuna ភាគកណ្តាលកោះ Ruson ប្រទេសហ្វីលីពីន យន្តហោះ​តូចមួយដែលមានអ្នកដំណើរ៩នាក់បានធ្លាក់ចូលកន្លែងកម្សាន្តមួយកន្លែងនៅថ្ងៃទី១។ យោង​តាម​របាយការណ៍ក្នុងស្រុកមកដល់ពេលនេះអ្នកដំណើរទាំងអស់បានស្លាប់។ យោងតាមរបាយការណ៍​នៅកន្លែងកើតហេតុយន្តហោះខ្នាតតូចមួយនេះរួមមានអ្នកដំណើរដូចជា៖ គ្រូពេទ្យ គិលានុបដ្ឋាយិកា អ្នកជម្ងឺ និងក្រុម គ្រួសាររបស់ពួកគេ ដែលធ្វើដំណើរដឹកអ្នកជំងឺពីភាគខាងត្បូង Mindanao ទៅកាន់ទីក្រុង Manila។ មនុស្ស ២នាក់ផ្សេងទៀតដែលនៅខាងក្រោម​ក៏ទទួលរងរបួស​នៅពេលយន្តហោះ​ធ្លាក់ផងដែរ។ ទីក្រុង Karanba ត្រូវបានគេស្គាល់ថាជាតំបន់រមណីយដ្ឋានទឹកក្តៅ ដែលមានចម្ងាយប្រមាណជា៦០គីឡូម៉ែត្រពីទីក្រុងម៉ានីល៕