ប្រភពព័ត៌មានពី RT ផ្សាយថ្ងៃទី២៤ ខែកញ្ញា ឆ្នាំ២០១៩
កម្លាំងចម្រុះដឹកនាំដោយសហរដ្ឋអាមេរិកជួយជម្រោមជ្រែងក្នុងការប្រយុទ្ធប្រឆាំងនឹងក្រុមសកម្មប្រយុទ្ធរដ្ឋអ៊ីស្លាម (IS អតីត ISIS) នៅក្នុងប្រទេសអ៊ីរ៉ាក់និយាយនៅថ្ងៃអង្គារថា ពួកគេនឹងមិនអត់ធ្មត់ចំពោះការវាយប្រហារណាមួយប្រឆាំងនឹងបុគ្គលិករបស់ខ្លួនឡើយ។ សេចក្តីថ្លែងការណ៍នោះធ្វើឡើងក្រោយពីមានការបាញ់គ្រាប់រ៉ូកែតពេញមួយយប់នៅតំបន់បៃតងរបស់ទីក្រុងបាដាដ។ សេចក្តីថ្លែងការណ៍មួយបញ្ចាក់ថា កម្លាំងសហរដ្ឋអាមេរិក និងទីតាំងដែលកាន់កាប់ដោយក្រុមចម្រុះនៅក្នុងតំបន់នោះមិនរងការវាយប្រហារពីគ្រាប់រ៉ូកែតនោះទេ ប៉ុន្តែក្រុមចម្រុះនឹងការពារខ្លួនប្រសិនបើពួកគេរងការកំណត់គោលដៅ។ ភ្នាក់ងារព័ត៌មាននិយាយថា ពុំទាន់មានការអះអាងទទួលខុសត្រូវចំពោះការវាយប្រហារដោយរ៉ូកែតនោះទេ។ យោងតាមសេវាកម្មសន្តិសុខអ៊ីរ៉ាក់បញ្ជាក់ឱ្យអោយដឹងថា គ្រាប់រ៉ូកែតមួយគ្រាប់ធ្លាក់នៅក្នុងទន្លេ Tigris និងមួយគ្រាប់ទៀតវាយប្រហារនៅតំបន់បៃតងដោយមិនបណ្តាលអោយមានមនុស្សស្លាប់ ឬខូចខាតទេ៕
