អ៊ីស្រាអែលធ្វើការវាយប្រហារនៅតំបន់ហ្គាហ្សាស្ទ្រីបនៅថ្ងៃអង្គារ។ ការវាយប្រហារនោះសម្លាប់មនុស្សចំនួន៣៤ នាក់ និងបណ្តាលឱ្យមនុស្សចំនួនច្រើនជាង ១១១នាក់រងរបួស។ ផ្ទះប្រជាជនរងការបំផ្លិចបំផ្លាញ ហើយសមាជិកអារ៉ាប់គ្រួសារចំនួន៨នាក់ស្លាប់ក្នុងការវាយប្រហារនៅទីក្រុងដៀរ អាល់ បាឡាស់។ក្នុងចំណោមអ្នកស្លាប់មានស្ត្រី និងក្មេងជាច្រើននាក់។
កម្លាំងប៉ាឡេស្ទីន និងអ៊ីស្រាអែលវាយប្រហារទៅវិញទៅមកក្នុងរយៈពេលពីរសប្តាហ៍កន្លងមកនេះ ក្រោយពីមេបញ្ជការអាល់កៃដា លោកបាហា អាបុ អាល់តា អាយុ ៤២ ឆ្នាំ ជាមួយនឹងភរិយារបស់គាត់ត្រូវគេសម្លាប់នៅក្នុងការវាយប្រហារមួយនៅតំបន់ហ្គាហ្សាស្ទ្រីប។ លើសពីនេះ មនុស្សចំនួនប្រាំនាក់ និងក្មេងចំនួនបួននាក់រងរបួស។ មានគ្រាប់ម៉ីស៊ីលច្រើនច្រើនជាង ៤០០គ្រាប់ និងគ្រាប់ត្រយោងជាច្រើនត្រូវគេបាញ់ចេញពីតំបន់ហ្គាហ្សា ចូលទៅក្នុងទឹកដីអ៊ីស្រាអែល។ ទាហានអ៊ីស្រាអែល វាយបកលើគោលដៅមួយចំនួនដែលជាកម្មសិទ្ធរបស់ក្រុមនិយម។ មានកិច្ចព្រមព្រៀងឈប់បាញ់មួយត្រូវគេធ្វើឡើងនៅយប់មិញក្រោមកិច្ចប្រឹងប្រែងពីអន្តរការីអេហ្ស៊ីប។ យោងតាមប្រភពភ្នាក់ងារសារព័ត៌មាន Maan បង្ហាញអោយដឹងថា បទឈប់បាញ់គ្នានៅតំបន់ហ្គាហ្សាចូលជាធរមាននៅម៉ោង៥ និង ៣០ នាទីព្រឹកម៉ោងក្នុងស្រុក (ម៉ោង ៦ និង ៣០ នាទីព្រឹកម៉ោងនៅទីក្រុងមូស្គូ) នៅថ្ងៃព្រហស្បតិ៍នេះ៕
ប្រភពព័ត៌មានTASS ផ្សាយថ្ងៃទី១៤ ខែវិច្ឆិកា ឆ្នាំ២០១៩
