ប៉ូលិសក្រុងញូវដេលីបានដោះលែងអ្នកទាំងអស់ដែលត្រូវឃុំខ្លួនដោយអយុត្តិធម៌នៅក្នុងការឆ្មក់ចូលបរិវេណសាលា Jamia Millia Islamia ជាកន្លែងដែលមន្រ្តីប៉ូលិសចាប់ហ្វូងមនុស្សឃោរឃៅដែលបានដុតរថយន្ត និងគប់ដុំថ្មនៅពេលដង្ហែរក្បួននៅពេលតវ៉ាទៅលើច្បាប់ស្តីពីសញ្ជាតិថ្មីនោះ។
ក្រុមបាតុករប្រមូលផ្តុំគ្នានៅខាងក្រៅស្ថានីយ៍ប៉ូលិសមួយនៅក្នុងរដ្ឋធានីញូវដេលីកាលពីយប់ថ្ងៃអាទិត្យដើម្បីទាមទារអោយអាជ្ញាធរដោះលែងនិស្សិតនៃសាកលវិទ្យាល័យមូស្លីមដែលត្រូវឃុំខ្លួននៅព្រឹកនេះ។ នៅម៉ោងប្រមាណ ៣ និង ៣០ នាទីព្រឹកម៉ោងក្នុងតំបន់ ហ្វូងមនុស្សបានបែកខ្ញែកគ្នាជាបណ្តើរៗបន្ទាប់ពីប៉ូលិសនិយាយថា ពួកគេដោះលែងមនុស្សគ្រប់គ្នាដែលមិនត្រូវចោទប្រកាន់អោយមានសេរីភាពវិញហើយ។
សាកលវិទ្យាល័យចោទប្រកាន់ប៉ូលិសប្រឆាំងកុបកម្មនៃការវាយឆ្មក់បរិវេណសាលារបស់ខ្លួនដោយខុសច្បាប់ដោយប្រើឧស្ម័នបង្ហូរទឹកភ្នែក និងរំលោភបំពានយ៉ាងសាហាវទៅលើនិស្សិត និងបុគ្គលិក។ មនុស្សជាច្រើននាក់រួមទាំងប៉ូលិសជាច្រើននាក់រងរបួសនៅក្នុងការប៉ះទង្គិចគ្នានេះផងដែរ។
ក្រុមនិស្សិតទទូចថា ការតវ៉ារបស់ពួកគេគឺអហិង្សាហើយអះអាងថាប៉ូលិសចូលមហាវិទ្យាល័យ និងបាញ់ឧស្ម័នបង្ហូរទឹកភ្នែក។ វីដេអូដែលត្រូវចែករំលែកនៅលើបណ្តាញសង្គមបង្ហាញពីភាពវឹកវរនៅក្នុងអគារសាកលវិទ្យាល័យដូចជាសំឡេងកញ្ចក់បែក ហើយអ្វីដែលហាក់ដូចជាការបាញ់សំលាប់ដោយកុប្បកម្មអាចត្រូវគេលឺថែមទៀតផង។
ខណៈពេលដែលពួកគេគួរតែសុំការអនុញ្ញាតពីសាកលវិទ្យាល័យជាមុននោះ អាជ្ញាធរអះអាងថាក្រុមមន្រ្តីបានដេញតាមក្រុមមនុស្សឃោរឃៅទាំងនោះដែលជ្រកកោននៅបរិវេណខាងក្រៅ។ មន្រ្តីប៉ូលិសជាន់ខ្ពស់លោក Chinmaya Biswal ប្រាប់ ANI ថា“ យើងគ្រាន់តែធ្វើអ្វីៗដើម្បីគ្រប់គ្រងស្ថានការណ៍បន្ទាប់ពីអំពើហិង្សាប៉ុណ្ណោះ”៕
![](https://i0.wp.com/cdn.nctc.gov.kh/2019/12/New-Delhi-police-set.jpg?resize=696%2C391&ssl=1)
ប្រភព RT ចុះផ្សាយថ្ងៃទី ១៦ ខែធ្នូ ឆ្នាំ ២០១៩