រដ្ឋាភិបាលក្រុងប៉េកាំងទាមទារឲ្យទីក្រុងវ៉ាស៊ីនតោនបញ្ឈប់ការបំភ្លៃការពិត “បន្ទាប់ពីសហរដ្ឋអាមេរិកចោទប្រកាន់អ្នកការទូតចិនពីររូបពីបទធ្វើចារកម្មលើមូលដ្ឋានយោធាអាមេរិកនៅ Norfolk រដ្ឋ Virginia ហើយបណ្តេញពួកគេចេញដែលជាករណីបែបនេះលើកដំបូងនៅក្នុងរយៈពេលប៉ុន្មានទសវត្សនេះ។ អ្នកការទូតចិនដែលមិនបញ្ចេញឈ្មោះទាំងពីរត្រូវគេប្រាប់អោយចាកចេញពីសហរដ្ឋអាមេរិកនៅដើមខែកញ្ញា បន្ទាប់ពីកាសែតញូវយ៉កថែមស៍រាយការណ៍រឿងនេះនៅថ្ងៃអាទិត្យនេះ។ ក្រុមមន្រ្តីដែលត្រូវគេចោទសួរបានបើកឡានចូលមូលដ្ឋាន Norfolk ដោយរំលោភលើបរិវេណរបស់ខ្លួន ហើយឈប់ដោយសារតែមានរថយន្តពន្លត់អគ្គីភ័យបានបិទផ្លូវ។
មួយថ្ងៃបន្ទាប់ពីការចេញផ្សាយនេះ ទីក្រុងប៉េកាំងសម្តែងនូវភាពមិនស្រណុកស្រួលចំពោះទំនាក់ទំនងទាំងមូល។ អ្នកនាំពាក្យក្រសួងការបរទេសលោក Geng Shuang ប្រាប់សន្និសីទសារព័ត៌មាននៅថ្ងៃច័ន្ទនេះថា “នេះគឺជាការបំភ្លៃការពិតដ៏ធ្ងន់ធ្ងរមួយដែលភាគីចិនស្តីបន្ទោសសហរដ្ឋអាមេរិកតាមរយៈការតវ៉ានេះ” ។
ទីក្រុងវ៉ាស៊ីនតោនមិនទាន់បញ្ជាក់ពីសេចក្តីរាយការណ៍របស់កាសែត The Times និងដោះស្រាយកង្វល់របស់ចិននៅឡើយទេ។ ឥឡូវនេះទីក្រុងប៉េកាំងចង់អោយសហរដ្ឋអាមេរិកការពារអ្នកការទូតបរទេសនៅលើទឹកដីរបស់ខ្លួននិង “ដោះស្រាយកំហុសរបស់ពួកគេ” ។ អ្វីគួរឱ្យចាប់អារម្មណ៍នោះ ក្រសួងការបរទេសដាក់កម្រិតលើអ្នកការទូតចិនដែលមានកាតព្វកិច្ចឱ្យពួកគេស្នើសុំការអនុញ្ញាតមុនពេលជួបមន្រ្តី ឬស្ថាប័នក្នុងតំបន់។ ប្រទេសចិនបានសងសឹកដោយដាក់ចេញវិធានការស្រដៀងគ្នាសម្រាប់អ្នកការទូតអាមេរិកនៅលើទឹកដីរបស់ខ្លួនផងដែរ៕
ប្រភព RT ចុះផ្សាយថ្ងៃទី ១៦ ខែធ្នូ ឆ្នាំ ២០១៩
