ប្រទេសចិនលើកឡើងនូវសំណើរបស់ខ្លួនដែលផ្តល់ការបន្ធូរបន្ថយទណ្ឌកម្មដល់ប្រទេសកូរ៉េខាងជើងដែលជាជម្រើសដ៏ល្អបំផុតក្នុងការដោះស្រាយភាពតានតឹងដោយអំពាវនាវនៅថ្ងៃព្រហស្បតិ៍នេះឲ្យមានការសម្របសម្រួលគ្នារវាងទីក្រុងវ៉ាស៊ីនតោន និងទីក្រុងព្យុងយ៉ាងជុំវិញកម្មវិធីនុយក្លេអ៊ែរ និងមីស៊ីលរបស់ប្រទេសនេះ។
សំណើដែលធ្វើរួមគ្នាជាមួយប្រទេសរុស្ស៊ីកាលពីថ្ងៃច័ន្ទនេះអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិដកទណ្ឌកម្មមួយចំនួនលើការនាំចេញ និងពលករបរទេសឱ្យ“ បំបែកភាពជាប់គាំង” នៅក្នុងកិច្ចចរចាដែលជាប់គាំងរវាងទីក្រុងព្យុងយ៉ាង និងទីក្រុងវ៉ាស៊ីនតោនផងដែរ។
អនុរដ្ឋមន្រ្តីការបរទេសចិន Luo Zhaohui ប្រាប់អ្នកយកព័ត៌មានថា “នេះគឺជាផែនការដ៏ល្អបំផុតនៅក្នុងស្ថានភាពបច្ចុប្បន្នដើម្បីដោះស្រាយភាពជាប់គាំងនៅក្នុងការរំសាយអាវុធនុយក្លេអ៊ែររបស់កូរ៉េខាងជើង និងដើម្បីសន្តិភាពនិងស្ថិរភាពរបស់ខ្លួន” ។ លោក Luo បន្ថែមថាដំណោះស្រាយនយោបាយនៅតែអាចធ្វើទៅបានទោះបីជាមានភាពតានតឹងកើនឡើងនាពេលថ្មីៗនេះក៏ដោយ។ រ៉យទ័រនិយាយថាប្រេសិតពិសេសរបស់សហរដ្ឋអាមេរិកសម្រាប់ប្រទេសកូរ៉េខាងជើងគឺលោក Stephen Biegun គ្រោងនឹងមកដល់រដ្ឋធានីប្រទេសចិននៅថ្ងៃព្រហស្បតិ៍នេះដើម្បីធ្វើការពិភាក្សាផងដែរ៕
ប្រភព RT ចុះផ្សាយថ្ងៃទី ១៨ ខែធ្នូ ឆ្នាំ ២០១៩
