លោក វ្លាឌីមៀពូទីននិយាយថា ការស្ទាក់ស្ទើររបស់ក្រុងគៀវក្នុងការសន្ទនាដោយផ្ទាល់ជាមួយប្រជាជនដែលរស់នៅតំបន់ភាគខាងកើតនៃប្រទេសអ៊ុយក្រែនដែលត្រូវគេស្គាល់ថា Donbass នៅតែជាឧបសគ្គធំបំផុតក្នុងការដោះស្រាយវិបត្តិដែលមានជាយូរមកហើយ។
លោកពូទីនត្រូវគេសួរអំពីដំណោះស្រាយវិបត្តិនៅអ៊ុយក្រែន និងអនាគតនៃកិច្ចពិភាក្សា Normandy Four រវាងមេដឹកនាំរុស្ស៊ីអ៊ុយក្រែន បារាំង និងអាល្លឺម៉ង់។ ប្រធានាធិបតីរូបនេះនិយាយថាការរីកចម្រើនមួយចំនួនត្រូវធ្វើឡើងក្នុងការដោះស្រាយវិបត្តិសេដ្ឋកិច្ច ប៉ុន្តែវាគឺជាការសន្ទនាគ្នាដោយផ្ទាល់រវាងអាជ្ញាធរនៅក្នុងទីក្រុងគៀវ និងប្រជាជនអ៊ុយក្រែនដែលរស់នៅក្នុង Donetsk និង សាធារណរដ្ឋLugansk ដែលប្រកាសដោយខ្លួនឯងដែលពិតជាអាចជួយបុព្វហេតុនេះ។ ប៉ុន្ដែនេះជាអ្វីដែលខ្វះខាតនៅឡើយ។ “ការការពិភាក្សាដោយផ្ទាល់មួយជាមួយ Donbass ពិតជាត្រូវការខ្លាំងណាស់។ វាមិនទាន់មានការពិភាក្សានៅឡើយទេ។”
លោកពូទីននិយាយថារាល់សកម្មភាពដែលទាក់ទងនឹងស្ថានភាពនៃតំបន់អ៊ុយក្រែនភាគខាងកើតដែលបះបោរគួរតែត្រូវសម្របសម្រួលជាមួយតំបន់ទាំងនោះ។លោកបន្ថែមទៀតថាទីក្រុងគៀវមិនគួរធ្វើការសម្រេចចិត្តជាឯកតោភាគីលើបញ្ហា“ វិមជ្ឈការ” ណាមួយដែលហួសពីក្របខ័ណ្ឌនៃកិច្ចព្រមព្រៀងក្រុងMinsk ដែលនៅតែជាមធ្យោបាយដែលអាចជឿទុកចិត្តបានតែមួយគត់ដើម្បីដោះស្រាយវិបត្តិអ៊ុយក្រែន។
ប្រធានាធិបតីនេះសារភាពថាវាមានជំហានវិជ្ជមានមួយចំនួនដូចជាការដកកងទ័ពចេញពីតំបន់ជាច្រើននៅភាគខាងកើតអ៊ុយក្រែន និងការពង្រីកច្បាប់ស្តីពីឋានៈពិសេសរបស់Donbass ផងដែរ។ តំបន់ថ្មីមួយចំនួននៅតាមខ្សែទំនាក់ទំនងត្រូវគេកំណត់សម្រាប់ការដកកងទ័ពនៅឆ្នាំ ២០២០ ក្នុងអំឡុងពេលកិច្ចប្រជុំចុងក្រោយនៅ Normandy Four។
បន្ទាប់ពីតំបន់ភាគខាងកើតនៃប្រទេសអ៊ុយក្រែនប្រកាសឯករាជ្យរបស់ពួកគេពីទីក្រុងគៀវក្នុងឆ្នាំ ២០១៤ បន្ទាប់ពីរដ្ឋប្រហារប្រឆាំងនឹងលោកប្រធានាធិបតីViktor Yanukovich រដ្ឋអំណាចក្រោយរដ្ឋប្រហារអ៊ុយក្រែនប្រតិកម្មដោយចាប់ផ្តើមយុទ្ធនាការយោធាប្រឆាំងនឹងក្រុម Donetsk ដែលប្រកាសដោយខ្លួនឯង និងសាធារណរដ្ឋ Lugansk ។ យោងតាមអង្គការសហប្រជាជាតិថាជម្លោះដ៏ឃោរឃៅនេះឆក់យកជីវិតមនុស្សចំនួន ១៣.០០០ នាក់។ អតីតប្រធានាធិបតីPetro Poroshenko ក៏ដាក់ការរាំងស្ទះសេដ្ឋកិច្ចប្រឆាំងនឹង Donbass ផងដែរ៕
![](https://i0.wp.com/cdn.nctc.gov.kh/2019/12/Dialogue-between-Kiev-people.jpg?resize=696%2C391&ssl=1)
ប្រភព RT ចុះផ្សាយថ្ងៃទី ១៩ ខែធ្នូ ឆ្នាំ ២០១៩