អ្នកនយោបាយកាតាឡានដែលគាំទ្រឯករាជ្យពីររូបបានទទួលការទទួលស្គាល់ដើម្បីចូលជាសមាជិកសភាអឺរ៉ុបនៅថ្ងៃសុក្រនេះបន្ទាប់ពីតុលាការយុត្តិធម៌អឺរ៉ុប (ECJ) សំរេចថាប្រទេសអេស្ប៉ាញគ្មានសិទ្ធិរារាំងពួកគេទេ។ ទីភ្នាក់ងារព័ត៌មាន AFP និយាយថាអតីតប្រធានាធិបតីប្រចាំតំបន់កាតាឡានលោក Carles Puigdemont និងរដ្ឋមន្រ្តីក្រសួងសុខាភិបាលលោក Toni Comin បានទៅដល់សភានៅទីក្រុងព្រុចសែលដើម្បីប្រមូលផ្លាកសញ្ញារបស់ពួកគេហើយ។
លោក Puigdemont និង Comin ត្រូវបានបោះឆ្នោតជ្រើសរើសជាសមាជិកសភាអឺរ៉ុបកាលពីខែឧសភាប៉ុន្តែពួកគេមិនអាចចូលកាន់តំណែងបានទេពីព្រោះពួកគេកំពុងរស់នៅក្នុងប្រទេសប៊ែលហ្សិក ហើយមិនបានចូលរួមពិធីស្បថស្បថនៅអេស្ប៉ាញថែមទៀត។ទីក្រុងម៉ាឌ្រីដចោទប្រកាន់ពួកគេពីការញុះញង់ចំពោះតួនាទីរបស់ពួកគេក្នុងការជួយរៀបចំការធ្វើប្រជាមតិឯករាជ្យនៅកាតាឡានដែលត្រូវហាមឃាត់នៅឆ្នាំ 2017 ។
កាលពីថ្ងៃព្រហស្បតិ៍នេះ ECJ បានសំរេចថា MEP ទទួលបានអភ័យឯកសិទ្ធិសភាចាប់ពីពេលដែលលទ្ធផលត្រូវគេដឹងហើយពួកគេគួរតែអាចទទួលយកអាសនៈរបស់ពួកគេ។ ប្រសិនបើអេស្ប៉ាញចង់កាត់ទោសពួកគេវាត្រូវតែបង្កើតរឿងក្តីទៅសភាដើម្បីដកអភ័យឯកសិទ្ធិនេះជាមុនសិន៕
ប្រភព RT ចុះផ្សាយថ្ងៃទី ២០ ខែធ្នូ ឆ្នាំ ២០១៩
