គណៈកម្មការបណ្តឹងតវ៉ាការបោះឆ្នោតនៅអាហ្វហ្គានីស្ថាននិយាយកាលពីថ្ងៃចន្ទថាការបោះឆ្នោតប្រធានាធិបតីអាចនឹងឈានដល់ជុំទី ២ ។ ទីភ្នាក់ងារសារព័ត៌មានរ៉យទ័រនិយាយថាសេចក្តីថ្លែងការណ៍នេះធ្វើឡើងនៅពេលដែលក្រុមមន្រ្តីចាប់ផ្តើមពិនិត្យឡើងវិញនូវបណ្តឹងរាប់ពាន់ក្នុងមួយថ្ងៃបន្ទាប់ពីលទ្ធផលបឋមត្រូវប្រគល់ឱ្យប្រធានាធិបតីដែលកំពុងកាន់អំណាចលោក Ashraf Ghani នូវជ័យជំនះនោះ។
គណៈកម្មការរៀបចំការបោះឆ្នោតឯករាជ្យ (IEC) ប្រកាសកាលពីថ្ងៃអាទិត្យនូវលទ្ធផលបឋមដែលពន្យារពេលយ៉ាងច្រើននៃការបោះឆ្នោតប្រធានាធិបតីថ្ងៃទី ២៨ ខែកញ្ញាមកម្ល៉េះ។ វាត្រូវរំខានដោយការចោទប្រកាន់ពីការក្លែងបន្លំដ៏ធំបញ្ហាបច្ចេកទេសជាមួយឧបករណ៍ជីវមាត្រ (biometric devices ) ដែលត្រូវគេប្រើប្រាស់សម្រាប់ការបោះឆ្នោត ការវាយប្រហារជាច្រើន និងភាពមិនប្រក្រតីជាដើម។
IEC និយាយថាចំនួនអ្នកចេញទៅបោះឆ្នោតសរុបមានចំនួនជាង ១,៨ លាននាក់ដោយលោក Ghani ទទួលបាន ៥០,៦៤ ភាគរយដើម្បីឈ្នះការបោះឆ្នោតជុំដំបូងដោយផ្តួលលោក Abdullah Abdullahដែលបច្ចុប្បន្នមានអំណាចជាមួយគាត់នៅក្នុងរដ្ឋាភិបាលបង្រួបបង្រួមមួយនោះ។ ប្រសិនបើការពិនិត្យឡើងវិញដោយគណៈកម្មការពាក្យបណ្តឹងកាត់បន្ថយចំណែកបោះឆ្នោតរបស់លោក Ghaniនៅក្រោម ៥០ ភាគរយហើយគ្មានបេក្ខជនផ្សេងទៀតមានសំឡេងភាគច្រើនោះ ជុំទី ២ នឹងត្រូវធ្វើឡើងរវាងអ្នកប្រជែងកំពូលទាំងពីរនាក់នេះ៕
ប្រភព RT ចុះផ្សាយថ្ងៃទី ២៣ ខែធ្នូ ឆ្នាំ ២០១៩
