ទីក្រុង Venice ដែលជាទីក្រុងបេតិកភណ្ឌពិភពលោក ដែលត្រូវបានគេស្គាល់ថាជា “ទីក្រុងទឹក” ត្រូវ បានជន់លិចជន់ដោយសារទឹកជំនោរពីសមុទ្រ នៅក្នុងអំឡុងពេលរដូវបុណ្យណូអែល ដែលមានភ្ញៀវ ទេសចរយ៉ាងច្រើនកុះករ។ យោងតាមទីក្រុង Venice កំណត់ត្រាជំនោរជាអតិបរមាមានកំពស់ដល់ទៅ ១៤៣ cm នៅវេលាម៉ោង ៩:៣០នាទីព្រឹក ថ្ងៃទី ២៣ (ម៉ោង ៥:៣០ល្ងាច ម៉ោងនៅប្រទេសជប៉ុន)។ នៅព្រឹកថ្ងៃទី ២៤គេប៉ាន់ស្មានថា វានឹងឡើងដល់កម្រិតអតិបរិមា ១៤០ cm (ថ្ងៃដដែល ម៉ោងនៅជប៉ុន ពេលរសៀល) ។
ជំនោរទឹកសមុទ្រ នៅទីក្រុង Venice បានឡើងដល់ ១៨៧ cm ដែលជាកំរិតខ្ពស់បំផុតទី ២ ក្នុងកំណត់ ត្រាប្រវត្តិសាស្រ្ត កាលពីថ្ងៃទី ១២ ខែវិច្ឆិកា ហើយភាគច្រើននៃមជ្ឈមណ្ឌលប្រវត្តិសាស្ត្រនៃទីក្រុង ដែលជាកន្លែងទាក់ទាញភ្ញៀវទេសចរដូចជា St.Mark’s Square ត្រូវបានជន់លិច។ ការកើនឡើង នៃជំនោរទឹកសមុទ្រលើកនេះគឺស្ថិតនៅលំដាប់ទី២ បន្ទាប់ពីពាក់កណ្តាលខែវិច្ឆិកា។
យោងតាមប្រពន្ធ័ផ្សព្វផ្សាយក្នុងប្រទេសបានឲ្យដឹងថា នៅកណ្តាលទីក្រុងហាងលក់វត្ថុអនុស្សាវរីយ៍ និងភោជនីយដ្ឋាន ត្រូវបានជន់លិច ហើយភ្ញៀវទេសចរបានកាន់វ៉ាលីដើរលុយទឹក។ ទីក្រុងប៉ាន់ស្មាន ថា ទឹកជំនោរនឹងឈានដល់កម្រិតអតិបរិមា ១១៥ cm នៅថ្ងៃទី ២៥ ដែលនឹងប៉ះពាល់យ៉ាងខ្លាំងដល់ ការរស់នៅរបស់ប្រជាជន និងវិស័យទេសចរណ៍នៅទីក្រុងមួយនេះ៕
![](https://i0.wp.com/cdn.nctc.gov.kh/2019/12/ឱទីក្រុង-Venice-អើយ-បុណ្យណូអែលហើយ.png?resize=630%2C535&ssl=1)
ប្រភពព័ត៌មាន Asahi ថ្ងៃទី២៤ ខែឆ្នូ ឆ្នាំ២០១៩