ជនស៊ីវិលជាសាវ័កចំនួន ៥នាក់ស្លាប់ និងជនស៊ីវិលចំនួន ១៥នាក់ផ្សេងទៀតរងរបួសនៅពេលគ្រាប់បែកផ្ទុះឡើងនៅតំបន់សាឡុកនៃប្រទេសស៊ីរី។ ភ្នាក់ងារព័ត៌មានបញ្ចាក់ថា រថយន្តមួយគ្រឿងផ្ទុកគ្រឿងផ្ទុះជាច្រើនផ្ទុះឡើងនៅរសៀលថ្ងៃចន្ទលើផ្លូវធំក្នុងទីប្រជុំជនសាឡុក។ ទីនោះស្ថិតនៅតំបន់តាលអាបយ៉ាដ ដែលជាតំបន់ជនបទនៅភាគខាងជើងខេត្តរ៉ាចា។ ការផ្ទុះ ឆក់យកអាយុជីវិតជនស៊ីវិលចំនួន ៥នាក់ និងបង្កឱ្យមនុស្សរងរបួសចំនួន ១៥នាក់។ ការផ្ទុះនោះបង្កឱ្យមានការខូចខាតដល់ផ្ទះ និងទ្រព្យសម្បត្តិដោយមានអគារចំនួន ៣នៅកន្លែងផ្ទុះដួលរលំក្រោយរងឥទ្ធិពលពីការផ្ទុះ៕
ប្រភពព័ត៌មានសាណា ផ្សាយឡើងវិញថ្ងៃទី២៤ ខែធ្នូ ឆ្នាំ២០១៩
