ក្រុមអ្នកតវ៉ាលីបង់បានបន្តបិទផ្លូធំៗនៅថ្ងៃអង្គារនេះ និងចាប់ផ្តើមនូវការទាមទារអោយបញ្ចប់នូវការខ្វះចន្លោះនយោបាយជិត ៣ ខែនេះ។ ការធ្វើបាតុកម្មអន្តរសាសនាដែលបង្កឡើងដោយវិបត្តិសេដ្ឋកិច្ចដែលនាំឱ្យរដ្ឋាភិបាលចុះចេញពីតំណែងនៅចុងខែតុលា ប៉ុន្តែមិនទាន់មានក្រុមថ្មីណាមួយត្រូវបានបង្កើតឡើងទេនៅពេលដែលគណបក្សនយោបាយជជែកតវ៉ាអំពីសមាសភាពរបស់ខ្លួន។
នៅព្រឹកថ្ងៃអង្គារនេះក្រុមអ្នកតវ៉ារាប់សិបនាក់បិទផ្លូវសំខាន់ៗក្នុងក្រុងបេរូតដោយមានធុងសំរាមក្រឡាប់ និងការដុតសំបកកង់ឡានថែមទៀត។ វាមានការធ្វើបាតុកម្មផងដែរកាលពីថ្ងៃអង្គារនៅតាមបណ្តាខេត្តរួមមានទីក្រុងទី ២ ទ្រីប៉ូលី និងទីប្រជុំជន Hasbaiyya ភាគអាគ្នេយ៍ថែមទៀត។ ក្រុមអ្នកតវ៉ាកំពុងទាមទាររដ្ឋាភិបាលថ្មីដែលបង្កើតឡើងដោយអ្នកបច្ចេកទេសឯករាជ្យ។ ប្រទេសនេះត្រូវគ្រប់គ្រងដោយប្រព័ន្ធចែកអំណាចរវាងនិកាយសាសនាចាប់តាំងពីចប់សង្គ្រាមស៊ីវិល៕
ប្រភព RT ចុះផ្សាយថ្ងៃទី ១៤ ខែមករា ឆ្នាំ ២០២០
