ទីភ្នាក់ងារសារព័ត៌មាន Anadolu ដែលគ្រប់គ្រងដោយរដ្ឋនិយាយនៅថ្ងៃអង្គារនេះថាអាជ្ញាធរតួកគីឃុំឃាំងទាហានចំនួន ១១៥ នាក់ដែលត្រូវបានសង្ស័យថាមានទំនាក់ទំនងជាមួយបព្វជិតមូស្លីមដែលមានមូលដ្ឋាននៅសហរដ្ឋអាមេរិកដែលត្រូវស្តីបន្ទោសដោយទីក្រុងអង់ការ៉ាចំពោះការប៉ុនប៉ងធ្វើរដ្ឋប្រហារមិនបានសម្រេចនៅក្នុងឆ្នាំ ២០១៦ ។
ទាហានទាំងនោះស្ថិតក្នុងចំណោមទាហានសរុប ១៧៦ នាក់ដែលព្រះរាជអាជ្ញាបញ្ជាឱ្យឃុំខ្លួនជាផ្នែកមួយនៃការស៊ើបអង្កេតដែលកំពុងបន្តនៅក្នុងបណ្តាញអ្នកបួសលោក Fethullah Gulen ។ យោងតាមរបាយការណ៍នេះ ទាហាន ១០៨ នាក់បច្ចុប្បន្នកំពុងបំពេញភារកិច្ចសកម្មនៅទីនោះ។ ទីភ្នាក់ងារដដែលនេះបន្តថាជនសង្ស័យរួមមានអ្នកបើកបរយន្តហោះ F-16 ៦ នាក់និងមេបញ្ជាការអាវុធហត្ថស្រុកចំនួន ៤ នាក់។
លោក Gulen ដែលបានរស់នៅក្នុងការនិរទេសខ្លួនដោយបង្ខំនៅក្នុងសហរដ្ឋអាមេរិកចាប់តាំងពីឆ្នាំ ១៩៩៩ បានបដិសេធការពាក់ព័ន្ធនៅក្នុងការប៉ុនប៉ងធ្វើរដ្ឋប្រហារ។ មនុស្សប្រហែល ៧៧.០០០ នាក់ត្រូវចាប់ខ្លួននិងប្រហែល ១៣០.០០០ នាក់ផ្សេងទៀតរួមទាំងបុគ្គលិកយោធាផងត្រូវបណ្តេញចេញពីការងាររដ្ឋនៅក្នុងការបង្ក្រាបរបស់រដ្ឋាភិបាលដែលកំពុងបន្តនៅលើបណ្តាញរបស់ Gulen ចាប់តាំងពីរដ្ឋប្រហារនេះ៕
ប្រភព RT ចុះផ្សាយថ្ងៃទី ១៤ ខែមករា ឆ្នាំ ២០២០
