ប្រភពពីមន្រ្តីអាជ្ញាធរប៉ាឡេស្ទីននិយាយថាទាហានអ៊ីស្រាអែលបានបាញ់សម្លាប់យុវជនប៉ាឡេស្ទីនម្នាក់ក្នុងអំឡុងពេលនៃការប៉ះទង្គិចគ្នានៅតំបន់ វេសប៊ែងក្បែរ Tulkarm កាលពីថ្ងៃសុក្រនេះ។ ឧប្បត្តិហេតុហឹង្សារវាងប្រជាជនប៉ាឡេស្ទីន និងអ៊ីស្រាអែលនៅតំបន់វេសប៊ែងនៅតែបន្តកើនឡើងនៅក្រោយពេលដែលទីក្រុងវ៉ាស៊ីនតោនបានលាតត្រដាងផែនការរបស់ខ្លួនសម្រាប់សន្តិភាពមេឌាស (Mideast )។យោងតាមក្រសួងសុខាភិបាលប៉ាឡេស្ទីនបានអោយដឹងថាយុវជនត្រូវបានសម្លាប់ក្នុងពេលប្រឈមមុខដាក់គ្នារវាងកងទ័ពប៉ាឡេស្ទីន និងកងទ័ពអ៊ីស្រាអែលនៅក្នុងភូមិ Qaffin ។ វាត្រូវគេបញ្ជូនទៅមន្ទីរពេទ្យជាកន្លែងដែលគាត់បានស្លាប់ដោយសាររបួសរបស់គាត់។ប៉ូលិសអ៊ីស្រាអែលក៏និយាយផងដែរថាប៉ូលិសព្រំដែនពីរនាក់បានរងរបួសធ្ងន់ស្រាលបន្ទាប់ពីមានជម្លោះកើតឡើងរវាងប្រជាជនប៉ាឡេស្ទីនរាប់រយនាក់ និងកងកំលាំងសន្តិសុខអ៊ីស្រាអែលក្បែរភូមិភាគខាងជើងនៃតំបន់វេសប៊ែងនៃភូមិត Azzun។ អ្នកទាំងពីរត្រូវគេជម្លៀសទៅកាន់មន្ទីរពេទ្យក្បែរនោះដើម្បីទទួលការព្យាបាលបន្ត។
ប៉ូលិសនិយាយថាប្រជាជនប៉ាឡេស្ទីនកំពុងគប់ដុំថ្ម និងស្រាក្រឡុក Molotov ទៅលើកងកម្លាំងអ៊ីស្រាអែលដែលបានឆ្លើយតបដោយ“ វិធីបំបែកកុប្បកម្ម” ផងដែរ។ អឌ្ឍចន្ទក្រហមប៉ាឡេស្ទីននិយាយថាមនុស្សចំនួន ១១ នាក់បន្ថែមទៀតពីការរងរបួសពីស្រាលទៅមធ្យមក្នុងពេលប៉ះទង្គិចគ្នានេះ៕
ប្រភព RT ចុះផ្សាយថ្ងៃទី ៧ ខែកុម្ភៈ ឆ្នាំ ២០២០
