ក្រុមចែកចាយមេរោគ ransomware ដែលមានទំនាក់ទំនងពីប្រទេសរុស្សីអះអាងថា ខ្លួននៅពីក្រោយការវាយប្រហារទៅលើក្រុមហ៊ុនផ្គត់ផ្គង់ថាមពលយក្សរបស់អាល្លឺម៉ង់ Nordex ។ ការវាយប្រហារនេះបង្ខំអោយក្រុមហ៊ុននេះសម្រេចចិត្តបិទនូវប្រព័ន្ធ IT របស់ខ្លួន។
ក្រុមចែកចាយមេរោគ Conti នេះអះអាងថាខ្លួនពិតជានៅពីក្រោយការវាយប្រហារទៅលើក្រុមហ៊ុន Nordex កាលពីចុងខែមីនា។ ខណៈពេលដែលការអះអាងនេះនៅមិនទាន់បានផ្ទៀងផ្ទាត់នៅឡើយទេ ក្រុមហេគឃ័រនេះក៏ដាក់ឈ្មោះក្រុមហ៊ុន Nordex ស្ថិតនៅក្នុងវេបសាយបែកធ្លាយរបស់ខ្លួនផងដែរ។
នៅក្នុងសេចក្តីថ្លែងការណ៍មុននេះ ក្រុមហ៊ុន Nordex និយាយថាក្រុមហ៊ុនរកឃើញនូវការវាយប្រហារសាយប័រនៅថ្ងៃទី 31 ខែមីនានេះ។ ក្រុមការងារសុវត្ថិភាពរបស់ខ្លួនក៏សម្រេចចិត្តបិទនូវប្រព័ន្ធ IT ជាច្រើនរបស់ក្រុមហ៊ុននេះ។ ក្រុមហ៊ុន Nordex បិទនូវការចូលទៅកាន់ហេដ្ឋារចនាសម្ព័ន្ធ IT ដើម្បីការពារទិន្នន័យរបស់អ្នកប្រើប្រាស់៕
