ឧបករណ៍បញ្ជាពីចម្ងាយបានជួយសម្រួលដល់ការងារជាច្រើនរបស់ស្ថាប័ននានា។ ក៏ប៉ុន្តែ ទោះជាយ៉ាងណា ឧបករណ៍ទាំងនោះបាននាំមកជាមួយបញ្ហាផងដែរ ដោយបញ្ហាទាំងនោះត្រូវបានអ្នកបង្កឧក្រិដ្ឋសាយប័រប្រើប្រាស់ដើម្បីប្រឆាំងនឹងអង្គភាពទាំងនោះ។ មន្ទីស្រាវជ្រាវ AhnLab កំណត់បានឧបករណ៍បញ្ជាពីចម្ងាយមួយចំនួន។
ឧបករណ៍បញ្ជាពីចម្ងាយទាំងនោះមានដូចជា៖
⦁ ឧបករណ៍ Remote shell
⦁ ឧបករណ៍ RATs ដែលមានកំណែ RedLine Stealer, NanoCore, និង BitRAT
⦁ ឧបករណ៍ Cobalt Strike
⦁ ឧបករណ៍AveMaria ឬ ឧបករណ៍ Warzone RAT
ឧបករណ៍បញ្ជាពីចម្ងាយទាំងនោះរងការកេងប្រវ័ញ្ចកាន់តែខ្លាំង ខណៈដែលពួកគេអាចផ្តល់ឱ្យអ្នកវាយប្រហារនូវការបំពានលើបណ្តាញ និងប្រព័ន្ធរបស់ជនរងគ្រោះតាមវិធីមួយចំនួន។
យ៉ាងណាមិញ អ្នកទទួលខុសត្រូវផ្នែកសន្តិសុខបណ្តាញត្រូវត្រួតពិនិត្យលើរាល់សកម្មភាពធម្មតាដែលមានការអនុញ្ញាត និងត្រូវពង្រឹងបណ្តាញររបស់ពួកគេជាប្រចាំ។ ការអនុម័តយុទ្ធសាស្ត្រសន្តិសុខតាមអ៊ីនធឺណិត និងការត្រួតពិនិត្យសម្អាតប្រព័ន្ធសុវត្ថិភាពអ៊ីនធឺណិតជាមូលដ្ឋានសំខាន់ក្នុងកិច្ចការពារអង្គភាពពីការគំរាមកំហែងផ្នែកសន្តិសុខនានា៕
ប្រែសម្រួល៖ប៉ោក លក្ខិណា
ប្រភពព័ត៌មាន cyware ចុះផ្សាយថ្ងៃទី២២ ខែតុលា ឆ្នាំ២០២២
