គេប្រើប្រាស់មេរោគ Hangul Word Hwp ក្នុងការវាយប្រហារនាពេលថ្មីៗ ដើម្បីផ្លាស់ប្តូររូបិយប័ណ្ណត្រូវគេសន្មតថាជាសកម្មភាពរបស់ក្រុម Lazarus ដែលមានទំនាក់ទំនងជាមួយប្រទេសកូរ៉េខាងជើង នេះយោងតាមប្រភពរបាយការណ៍ Alienvault។ ការវាយប្រហាររាប់ញ្ចូលទាំងការវាយប្រហារថ្មីនៅលើក្រុមហ៊ុន Bithumb។ ក្រុមហ៊ុន Bithumb ជាក្រុមហ៊ុនប្ដូររូបិយប័ណ្ណនិម្មិតធំបំផុតនៅកូរ៉េខាងត្បូងដោយមានអតិថិជនជាងមួយលាននាក់។ ក្នុងការហេគនេះ ពួកហេគឃ័ររៀបចំលួចយករូបិយវត្ថុមានតម្លៃច្រើនជាង 30 លានដុល្លារ។
Lazarus ឬ BlueNoroff គឺជាក្រុមហេគឃ័រដែលគ្រប់គ្រងដោយរដ្ឋ ហើយគេជឿជាក់ថាក្រុមហេគឃ័រនេះបានបញ្ចេញលុយចំនួន 81 លានដុល្លារពីធនាគារបង់ក្លាដែសក្នុងឆ្នាំ 2016 ហើយចាត់ទុកថាជាការគំរាមកំហែងធ្ងន់ធ្ងរបំផុតប្រឆាំងនឹងធនាគារ។ នៅដើមឆ្នាំនេះគេសង្កេតឃើញថាក្រុមនេះវាយប្រហារលើកាស៊ីណូអនឡាញនៅអាមេរិកកណ្តាល ហើយក្រោយមកប្តូរការចាប់អារម្មណ៍ដោយធ្វើវាយប្រហារលើរូបិយប័ណ្ណអេឡិចត្រូនិកវិញ។នៅដើមខែនេះ ប្រភព AlienVault បង្ហាញថា ក្រុម Lazarus ប្រើកម្លាំងលើចំណុចងាយរងគ្រោះថ្មីរបស់ Activex ក្នុងការវាយប្រហារលើគោលដៅរបស់ប្រទេសកូរ៉េខាងត្បូង។ ឥឡូវនេះក្រុមហ៊ុនសន្តិសុខនិយាយថាពួក Hacker ប្រើប្រាស់ឯកសារដែលមានគំនិតអាក្រក់ ៗ ជាច្រើនដើម្បីកំណត់គោលដៅសមាជិកនៃកិច្ចប្រជុំហិរញ្ញវត្ថុ G20 នាពេលថ្មីៗនេះ។ ក្រុមអ្នកស្រាវជ្រាវផ្នែកសន្តិសុខរបស់ AlienVault វិភាគលើឯកសារដែលមានគ្រោះថ្នាក់ចំនួនបីដែលភ្ចាប់ជាមួយក្រុម Lazarus រួចហើយ ។ ឯកសារមួយក្នុង ចំនោមឯកសារដែលលើកឡើងទាំងនោះនិយាយពីកិច្ចប្រជុំក្រុមការងារស្ថាបត្យកម្មហិរញ្ញវត្ថុអន្តរជាតិ G20 ដែលកំពុងស្វែងរកការសម្របសម្រួលនៃគោលនយោបាយសេដ្ឋកិច្ចរវាងបណ្តាប្រទេសអ្នកមានបំផុត។
របាយការណ៍ជាច្រើនក្នុងប្រទេសកូរ៉េខាងត្បូងត្រូវគេណែនាំរួចហើយថា ឯកសារមេរោគ HWP ដែលគេប្រើនៅដើមខែឧសភា និងមិថុនាដើម្បីវាយប្រហារក្រុមហ៊ុន Bithumb ហើយឯកសារទាំងនេះទំនងជាមានការជាប់ពាក់ព័ន្ធជាមួយការវាយប្រហារពីមុនៗដែលធ្វើឡើងដោយក្រុមហេគឃ័រ Lazarus ។ការស៊ើបអង្កេតរបស់ក្រុមហ៊ុនសន្តិសុខកូរ៉េខាងត្បូងក្នុងការលួចនេះបង្ហាញថា ការវាយប្រហារក្លែងក្លាយមានភាពស្រដៀងគ្នាទៅនឹងក្រុម Manuscrypt ដែលមានទំនាក់ទំនងនឹងក្រុមហេគឃ័រ Lazarus ត្រូវគេផ្ញើទៅអង្គភាព រូបិយប័ណ្ណ cryptocurrency ។ ឯកសារ HWP មេរោគ ដែលមានប្រភពចេញពីក្រុមហេគ Lazarus ត្រូវគេរាយការណ៍ថា ឯកសារនោះកំណត់គោលដៅលើអ្នកប្រើរូបិយប័ណ្ណអេឡិចត្រូនិកក្នុងប្រទេសកូរ៉េខាងត្បូងនៅដើមខែនេះ។ លើសពីនេះទៅទៀតក្រុមអ្នកស្រាវជ្រាវកត់សម្គាល់ឃើញថា ការលួចចម្លងរូបិយប័ណ្ណធ្វើឡើងដោយចុះឈ្មោះ domains ដូចចុះឈ្មោះ domains លើទូរស័ព្ទមានឈ្មោះថា (itaddnet [com]) និងថែមទាំងមានការបញ្ចូនមេរោគមួយចំនួន។ នេះបង្ហាញឲ្យឃើញថា អ្នកវាយប្រហារធ្វើការលួចបន្លំព័ត៌មានបញ្ជាក់អត្តសញ្ញាណបន្ថែមពីលើការចែកចាយមេរោគ។
វាជារឿងមិនធម្មតាដែលឃើញហេគឃ័រ Lazarus ចុះឈ្មោះ domains – ជាទូទៅពួកគេចូលចិត្តចូលតាមគេហទំព័រស្របច្បាប់។ ដូច្នេះ វានឹងអាចជាការវាយប្រហារមិនធម្មតា ប្រសិនបើវាត្រូវបានដំណើរការដោយសមាជិកក្រុមហេគឃ័រ Lazarus នេះយោងតាមប្រភពព័ត៌មាន AlienVault ។ ជាក់ស្តែង វាប្រហែលជាអាចទៅរួចដែលក្រុមហេគឃ័រ Lazarus ជាអ្នកធ្វើការវាយប្រហារលើក្រុមហ៊ុន Bithumb នៅដើមខែនេះ ក៏ដូចជាការវាយឆ្មក់នៅឆ្នាំមុនផងដែរ ហើយទំនងជាការវាយឆ្មក់នោះផ្តល់ចំណេះដឹងឱ្យពួកគេដើម្បីឲ្យពួកគេអាចធ្វើការវាយប្រហារម្តងទៀត។ ក្នុងរយៈពេលមួយឆ្នាំកន្លងមកនេះ ក្រុមវាយប្រហារក៏បានកំណត់គោលដៅលើក្រុមហ៊ុនប្តូររូបិយប័ណ្ណផ្សេងទៀតផងដែរ។ វាពិតជាច្បាស់ណាស់ថា ចោរកម្មពីក្រុម Lazarus នឹងមិនបញ្ឈប់នៅពេលឆាប់ៗនេះទេ ដោយសារតែពួកគេព្យាយាមលួចយកប្រាក់មួយរយលានដុល្លារពីធនាគារបង់ក្លាដេស ដែលតំណាងឱ្យ 3% នៃ GDP របស់ប្រទេសកូរ៉េខាងជើង។ ការលួចពីក្រុមហ៊ុនរបស់ប្រទេសកូរ៉េខាងត្បូងមានផលប៉ះពាល់ទ្វេដងត្រង់ចំណុចខ្សោយក្នុងការប្រកួតជាមួយគូប្រជែងជិតបំផុតរបស់ពួកគេ នេះយោងតាមប្រភពព័ត៌មាន Alienvault ៕
ប្រភព៖
https://www.securityweek.com/north-korean-hackers-exploit-hwp-docs-recent-cyber-heists
