បច្ចេកវិទ្យា Artificial Intelligence (AI) ត្រូវបានប្រើប្រាស់ជាដំណោះស្រាយដ៏មានអានុភាពសម្រាប់ការស្វែងរកដោយស្វ័យប្រវត្តិ និងការប្រឆាំងទៅនឹងមេរោគ Malware និងបញ្ឈប់នូវការវាយប្រហារតាមប្រព័ន្ធអ៊ីនធឺណិតមុនពេលវាឆ្លងទៅលើស្ថាប័នរបស់អ្នក។ ទោះជាយ៉ាងណាក៏ដោយ បច្ចេកវិទ្យាដូចគ្នានេះក៏ត្រូវបានប្រើប្រាស់ជាអាវុធសម្រាប់ធ្វើការគំរាមទៅលើអ្នកប្រើប្រាស់ផងដែរនៅពេលដែលវាដើរតួជាមេរោគ Malware សម្រាប់វាយប្រហារទៅលើអ្នកវិញនោះ។
ដើម្បីបង្ហាញអំពីបរិបទនេះនោះ ក្រុមអ្នកស្រាវជ្រាវនៅក្រុមហ៊ុន IBM Research ធ្វើការបង្កើតនូវមេរោគ DeepLocker— ដែលជា Tools មួយសម្រាប់ធ្វើការវាយប្រហារភ្ជាប់ជាមួយនឹងបច្ចេកវិទ្យា AI ដែលអាចវាយប្រហារទៅលើជនរងគ្រោះបាន។ តាមការបញ្ជាក់របស់ IBM researcher មេរោគ DeepLocker ដំណើរការដោយគ្មានការចាប់បាននោះទេ ហើយវាប្រើប្រាស់នូវបច្ចេកវិទ្យា AI ដែលត្រូវបានប្រើប្រាស់នៅលើ facial recognition, geolocation និង voice recognition នោះ។
មេរោគដែលប្រើប្រាស់នូវ AI នេះអាចធ្វើការឆ្លងទៅកាន់ប្រព័ន្ធរាប់លានដោយគ្មានការសង្ស័យនោះទេ។ មេរោគ Malware នេះអាចធ្វើការលាក់ខ្លួននៅក្នុងកម្មវិធីជាច្រើនដូចជាកម្មវិធី video conferencing software ដោយគ្មានការចាប់អារម្មណ៍ពីកម្មវិធី Antivirus និងកម្មវិធីស្កេនមេរោគ Malware នោះទេនៅពេលដែលវាកំណត់រកឃើញនូវជនរងគ្រោះដែលជាក់លាក់នោះ។
DeepLocker ទាមទារនូវរូបភាពរបស់អ្នកដែលអាចធ្វើការស្វែងរកបានចេញពីបណ្តាញសង្គម social media profiles របស់អ្នកនៅលើ LinkedIn, Facebook, Twitter, Google+ ឬ Instagram ហើយវាមានគោលដៅវាយប្រហារអ្នកវិញផងដែរ។ ថ្មីៗនេះ Trustwave ក៏បញ្ចេញនូវ facial recognition tool ដែលមានឈ្មោះថា Social Mapper ដែលអាចប្រើប្រាស់សម្រាប់ស្វែងរកនៅលើគោលដៅចេញពីបណ្តាញ Social Networks ជាច្រើននៅក្នុងពេលម្តងនោះ។ ក្រុមការងារ IBM Research ក៏នឹងធ្វើការបង្ហាញនូវ DeepLocker នៅក្នុងសន្និសីទ Black Hat USA security conference នៅទីក្រុង Las Vegas នៅថ្ងៃពុធនេះផងដែរ៕
ប្រភព៖
https://thehackernews.com/2018/08/artificial-intelligence-malware.html
