ថ្មីៗនេះក្រុមហ៊ុន Google បានចាត់វិធានការលុបកម្មវិធី មួយចំនួន ពី Play Store របស់ក្រុមហ៊ុន DU Group ដែលជាក្រុមហ៊ុន បំបែកចេញពី ក្រុមហ៊ុន Baidu ក្រោយពី Buzzfeed News រកឃើញថា កម្មវិធីទាំងនោះមានផ្ទុកនិងប្រើប្រាស់កូដដែលអាចដំណើរការ ដើម្បីធ្វើការផ្សាយពាណិជ្ជកម្ម ដោយពុំមានការអនុញ្ញាត ពីអ្នកប្រើប្រាស់ (Click Fraud)។
កម្មវិធីទាំងនោះមានដូចជា Omni Cleaner, RAM Master, Smart Cooler, Total Cleaner, AIO Flashlight និង Selfie Camera។ Selfie Camera ត្រូវបានទាញយក ជាង ៥០លានដង មុនពេលត្រូវបានលុបចេញ។ អ្នកវិភាគគិតថា ក្រុមហ៊ុន Google គួរតែបង្កើនការការពារសុវត្ថិភាពរបស់អ្នកប្រើប្រាស់ ទោះបីវានាំឱ្យមានការថយចុះនៃប្រាក់ចំណូលគេក៏ដោយ។ ក្នុងនាមជាអ្នកប្រើប្រាស់ យើងគួរតែប្រុងប្រយ័ត្នរាល់ការទាញយកកម្មវិធីចេញពី Play Store (App Store សម្រាប់ iPhone) ព្រោះកម្មវិធីមួយចំនួនដែលមាននៅក្នុងនោះ ក៏មិនប្រាកដថាមានសុវត្ថិភាពទាំងអស់នោះដែរ៕
