ប្រទេសស៊ុយអែតបានដកអនុសាសន៍របស់ខ្លួនទៅកាន់ពលរដ្ឋកុំអោយធ្វើដំណើរមិនចាំបាច់ទៅកាន់ប្រទេសអូទ្រីស និងប្រទេស Liechtenstein នៅថ្ងៃពុធ។ ទោះយ៉ាងណាទីក្រុង Stockholm បានធ្វើការព្រមានជាទៀងទាត់ជុំវិញការធ្វើដំណើរទៅកាន់ចក្រភពអង់គ្លេសនិងបណ្តាប្រទេសអឺរ៉ុបមួយចំនួនចំពេលមានការកើនឡើងនៃការឆ្លងមេរោគកូរ៉ូណាវីរុស។
ទីក្រុង Stockholm បានដកហូតវិញនូវដំបូន្មានប្រឆាំងនឹងការធ្វើដំណើរដែលមិនចាំបាច់ទៅកាន់ប្រទេសដូចជាប្រទេសជិតខាងដាណឺម៉ាក ន័រវែស និងទិសដៅមួយចំនួនទៀតនៅអឺរ៉ុបដូចជាបារាំង អាល្លឺម៉ង់ និងអេស្ប៉ាញ។
សារព័ត៌មានរ៉យទ័ររាយការណ៍ថាការរឹតត្បិតនានានឹងនៅតែមានសម្រាប់ចក្រភពអង់គ្លេស អៀរឡង់ Latvia ហ្វាំងឡង់ និងប្រទេសមួយចំនួនទៀតរហូតដល់ថ្ងៃទី ២៦ ខែសីហាខាងមុខនេះ។ រដ្ឋាភិបាលស៊ុយអ៊ែតបន្តផ្តល់យោបល់ប្រឆាំងនឹងការធ្វើដំណើរទៅកាន់ពិភពលោកទាំងមូលប៉ុន្តែនឹងពិនិត្យឡើងវិញនូវសេចក្តីសម្រេចចិត្តនោះនៅចុងខែនេះ៕
សម្រួល៖ សុផា
ប្រភព RT ចុះផ្សាយថ្ងៃទី ១២ ខែសីហា ឆ្នាំ ២០២០
