ប្រភពព័ត៌មានពី RT ចុះផ្សាយថ្ងៃទី ០៧ ខែ មីនា ឆ្នាំ ២០១៧
គេហទំព័រ WikiLeaks ប្រកាសថាខ្លួននឹងចាប់ទម្លាយឯកសារសម្ងាត់ចំបាច់ធំបំផុតរាប់ពាន់របស់ទីភ្នាក់ងារស៊ើបការសម្ងាត់អាមេរិក CIA ពាក់ព័ន្ធទៅនឹងការលួចទិន្នន័យក្នុងទូរស័ព្ទឆ្លាតវៃជាច្រើន និងកម្មវិធីបណ្តាញសង្គមសម្រាប់ផ្ញើសារដ៏ពេញនិយមជាច្រើនដូចជា WhatsApp។ ឯកសារសម្ងាត់សរុបចំនួន៨,៧៦១ បានបង្ហាញជាសាធារណៈដែលជាផ្នែកមួយនៃ “Year Zero” ជាផ្នែកដំបូងនៃលំដាប់ព័ត៌មានដែលបែកធ្លាយពីទីភ្នាក់ងារសម្ងាត់ដែលអង្គការទំលាយការសម្ងាត់នេះហៅថា Vault 7។ ក្នុងសេចក្តីថ្លែងការណ៍របស់គេហទំព័រ WikiLeaks និយាយថា “Year Zero” បានទម្លាយលម្អិតពាក់ព័ន្ធកម្មវិធីលួចទិន្នន័យសម្ងាត់ជាសកលរបស់ទីភ្នាក់ងារស៊ើបការសម្ងាត់អាមេរិក CIA ដែលក្នុងនោះវាបានប្រឆាំងនឹងផលិតផលជាច្រើនរបស់អាមេរិក និងអឺរ៉ុបក្នុងនោះរួមមាន Windows របស់ក្រុមហ៊ុន Microsoft ផលិតផល iPhone របស់ក្រុមហ៊ុន Apple ផលិតផល Android របស់ក្រុមហ៊ុន Google និងទូរទស្សន៍ Samsung បំលែងទៅជាមេក្រូ។ យោងតាមការចុះផ្សាយឯកសារសម្ងាត់សំខាន់រាប់ពាន់នេះ ឧបករណ៍ Mobile Devices Branch (MDB) របស់ទីភ្នាក់ងារសម្ងាត់ CIA បានអភិវឌ្ឍ Tools និង Systems ជាច្រើនដើម្បីចូលលួចទិន្នន័យសម្ងាត់ក្នុងទូរស័ព្ទឆ្លាតវៃដែលពេញនិយម និងធ្វើការបញ្ជាពីចម្ងាយឱ្យទូរស័ព្ទឆ្លាតវៃទាំងនោះបញ្ជូនទិន្នន័យ ទីតាំង ការទំនាក់ទំនងជាសំឡេង និងអក្សរផងដែរ។ កាមេរ៉ា និងមេក្រូរបស់ទូរស័ព្ទឆ្លាតវៃក៏គេអាចលួចធ្វើសកម្មភាពពីចម្ងាយបានដូចគ្នា។ ការប្រើប្រាស់ Tools និងបច្ចេកទេសចូលលួចទិន្នន័យនេះអនុញ្ញាតឱ្យទីភ្នាក់ងារ CIA លួចចូលក្នុងកម្មវិធីបណ្តាញសង្គមជាច្រើនដូចជា WhatsApp, Signal, Telegram, Weibo, Confide និង Cloackman មុនពេល Encryption ទិន្នន័យនេះបើយោងតាមការអះអាងរបស់ WikiLeaks នៅក្នុងសេចក្តីថ្លែងការណ៍របស់ខ្លួននៅលើគេហទំព័រ។ យោងទៅតាមត្រាពេលវេលារបស់ទីភ្នាក់ងារសម្ងាត់ CIA នៅលើឯកសាររាប់ពាន់នេះបង្ហាញថាកាលបរិច្ឆេទគឺនៅនៅចន្លោះឆ្នាំ២០១៣ និង២០១៦។ នៅក្នុងការវិភាគរបស់ Wikileaks ទៅលើ “Year Zero” បានលម្អិតអំពីបច្ចេកទេសមួយដែលមានឈ្មោះថា “Weeping Angel” ដែលអាចបំលែងទិន្នន័យរបស់ទូរទស្សន៍ឆ្លាតវៃទៅលើមេក្រូបាន។ ការវាយប្រហារប្រឆាំងទៅនឹងទូរទស្សន៍របស់ក្រុមហ៊ុន Samsung ពួកគេប្រើប្រាស់បច្ចេកទេស “Weeping Angel” ជាមួយនឹង MI៥ តាមរយៈ “Fake-Off” Mode ដែលអាចកត់ត្រាការសន្ទនាបានបើទោះបីជាឧបករណ៍នេះបិទក៏ដោយ៕
