ប្រភពព័ត៌មានពី ChannelNewsAsia ចុះផ្សាយថ្ងៃទី ២១ ខែ កក្កដា ឆ្នាំ២០១៧
តុលាការជាន់ខ្ពស់របស់ប្រទេសថៃកំណត់យកថ្ងៃទី២៥ ខែសីហាខាងមុខនេះជាកាលបរិច្ឆេទនៃសាលក្រមក្នុងការកាត់ទោសអតីតនាយករដ្ឋមន្ត្រីលោកស្រីយីងឡាក់ ស៊ីណាវ៉ាត្រាដែលគេចោទថាធ្វើឲ្យខាតបង់ប្រាក់រាប់ពាន់លានដុល្លារលើគម្រោងឧបត្ថម្ភអង្ករ។ លោកស្រីយីងឡាក់ត្រូវគេផ្ដួលរំលំដោយរដ្ឋប្រហារយោធាក្នុងឆ្នាំ២០១៤ ហើយលោកស្រីអាចនឹងប្រឈមមុខការជាប់ពន្ធនាគាររយៈពេល១០ឆ្នាំប្រសិនបើរកឃើញថាមានកំហុសនៅក្នុងការជំនុំជម្រះអស់រយៈពេល១៨ខែនេះ។ ថ្ងៃសុក្រខាងមុខជាថ្ងៃចុងក្រោយសម្រាប់សវនាការ។ តុលាការនិយាយថាលោកស្រីយីងឡាក់អាចធ្វើសេចក្តីថ្លែងការណ៍បញ្ចប់នៅថ្ងៃទី១ ខែសីហាខាងមុខបាន។ លោកស្រីយីងឡាក់ និងគណបក្សភឿថៃនិយាយថាការកាត់ក្តីនេះគឺជាការលើកទឹកចិត្តផ្នែកនយោបាយដែលមានគោលបំណងបង្ខូចចលនាមួយដែលកំពុងមានប្រជាប្រិយដែលជួយឱ្យក្រុម Shinawatra ឈ្នះគ្រប់ការបោះឆ្នោតចាប់តាំងពីឆ្នាំ២០០១។ បងប្រុសរបស់លោកស្រីយីងឡាក់គឺលោកថាក់ស៊ីន ស៊ីណាវ៉ាត្រាណែនាំកម្មវិធីអង្ករជាលើកដំបូងមុនពេលលោកត្រូវបណ្តេញចេញដោយរដ្ឋប្រហារក្នុងឆ្នាំ២០០៦។ ប៉ុន្តែលោកស្រីយីងឡាក់ចាត់វិធានការមួយបន្ថែមទៀតដោយទិញអង្ករពីកសិកររហូតដល់៥០ភាគរយលើសតម្លៃទីផ្សារ។ វិធានការនេះជួយឱ្យលោកស្រីឈ្នះឆ្នោតក្នុងឆ្នាំ២០១១ ប៉ុន្តែការខាតបង់ថវិការបស់រដ្ឋាភិបាលពីគម្រោងនេះធ្វើឱ្យប៉ះពាល់ដល់តម្លៃស្រូវសកល និងជំរុញឱ្យមានការតវ៉ានាំឱ្យលោកស្រីត្រូវដកតំណែងចេញ។ ទោះជាយ៉ាងណាក៏ដោយលោកស្រីយីងឡាក់នៅតែមានប្រជាប្រិយភាពក្នុងចំណោមអ្នកគាំទ្ររបស់លោកស្រីជាពិសេសនៅភាគឦសានប្រទេសថៃជាតំបន់ក្រីក្របំផុត។ អ្នកគាំទ្ររាប់រយនាក់នៅតុលាការអបអរសាទរលោកស្រីយីងឡាក់នៅតុលាការកាលពីថ្ងៃសុក្រ ហើយក៏មានការជំទាស់ស្នើសុំរបស់មេដឹកនាំរបបប្រឆាំងលោកប្រាយុទ្ធចាន់អូឆាឱ្យអ្នកដើរតាមនៅឆ្ងាយពីលោកស្រី។ អ្នកស្រីណាថាអាយុ៥៦ឆ្នាំជាកសិករមកពីខេត្ត Ratchaburi ភាគខាងលិចទីក្រុងបាងកកនិយាយថា “ខ្ញុំសង្ឃឹមថាលោកស្រីយីងឡាក់នឹងមិនត្រូវបានរកឃើញកំហុសទេ ដូច្នេះលោកស្រីអាចក្លាយជានាយករដ្ឋមន្ត្រីជាថ្មីម្តងទៀត និងនាំយកមកវិញនូវគម្រោងស្រូវ។ ទោះជាយ៉ាងណាក្តីស្រី្តម្នាក់នេះបដិសេធមិនប្រាប់ឈ្មោះពេញរបស់នាងនោះទេ។ លោកស្រីយីងឡាក់ថ្លែងអំណរគុណដល់អ្នកគាំទ្ររបស់លោកស្រី ប៉ុន្តែមិនបាននិយាយអ្វីផ្សេងឡើយ។ ចៅក្រមច្រានចោលពាក្យបណ្តឹងរបស់ក្រុមអ្នកច្បាប់របស់លោកស្រីយីងឡាក់ដើម្បីឱ្យមានការស៊ើបអង្កេតពីតុលាការធម្មនុញ្ញ។ ការកាត់ទោសនេះចាប់ផ្តើមនៅក្នុងខែមករាឆ្នាំ២០១៦បន្ទាប់ពីការចោទប្រកាន់ទៅលើលោកស្រីយីងឡាក់ដោយសភានីតិកម្មដែលតែងតាំងដោយរបបយោធានៅឆ្នាំ២០១៥។ សភានីតិកម្មហាមឃាត់លោកស្រីពីនយោបាយរយៈពេល៥ឆ្នាំសម្រាប់ការគ្រប់គ្រងមិនត្រឹមត្រូវទៅលើគម្រោងស្រូវ។ ប្រសិនបើរកឃើញកំហុសពិតមែននោះ លោកស្រីយីងឡាក់មានវាសនាដូចបងប្រុសរបស់លោកស្រីគឺលោកថាក់ស៊ីននឹងត្រូវគេដកហូតតំណែង និងសិទ្ធិពីការក្លាយជានាយករដ្ឋមន្ត្រីម្ដងទៀត។ លោកថាក់ស៊ីនត្រូវរស់នៅនិរទេសដោយខ្លួនឯងរយៈពេល១១ឆ្នាំដើម្បីចៀសវាងការជាប់ពន្ធនាគារ២ឆ្នាំលើកិច្ចព្រមព្រៀងរឿងពុករលួយដីធ្លី៕
