ប្រទេសឈីលីនិយាយកាលពីថ្ងៃសុក្រថា នៅឆ្នាំក្រោយ ខ្លួននឹងធ្វើប្រជាមតិមួយស្តីពីការជំនួសរដ្ឋធម្មនុញ្ញរបបផ្តាច់ការរបស់ប្រទេសនេះដែលជាការទាមទារដ៏សំខាន់របស់ក្រុមអ្នកតវ៉ាបន្ទាប់ពីមានភាពវឹកវរស៊ីវិលដែលមានរយៈពេលជិតមួយខែនេះ។
រដ្ឋធម្មនុញ្ញបច្ចុប្បន្ននេះចូលជាធរមានចាប់តាំងពីឆ្នាំ ១៩៨០ និងត្រូវអនុម័តដោយអតីតរបបយោធារបស់លោក Augusto Pinochet ដែលត្រូវផ្លាស់ប្តូរជាច្រើនដងក្នុងប៉ុន្មានឆ្នាំកន្លងទៅនេះ។ ទោះយ៉ាងណាក៏ដោយ វាមិនបញ្ជាក់ពីការទទួលខុសត្រូវរបស់រដ្ឋក្នុងការផ្តល់ការអប់រំនិងថែទាំសុខភាពនោះទេ – ការទាមទារពីរដែលធ្វើឡើងដោយប្រជាជនឈីលីរាប់លាននាក់ដែលធ្វើដំណើរតាមដងផ្លូវជាច្រើននាពេលថ្មីៗនេះ។
សមាជិកសភានៅក្នុងសភាជាតិរបស់ប្រទេសឈីលីឯកភាពគ្នាកាលពីព្រឹកថ្ងៃសុក្រនេះដើម្បីរៀបចំកិច្ចពិភាក្សានៅខែមេសាឆ្នាំ ២០២០ បន្ទាប់ពីការចរចាជាច្រើនម៉ោងរវាងសម្ព័ន្ធរដ្ឋាភិបាល និងគណបក្សប្រឆាំង។ការធ្វើប្រជាមតិនេះនឹងសួរអ្នកបោះឆ្នោតថា តើរដ្ឋធម្មនុញ្ញគួរតែត្រូវបានជំនួសទេ? ហើយបើដូច្នេះតើត្រូវធ្វើយ៉ាងណាដើម្បីធ្វើពង្រាងធម្មនុញ្ញថ្មីនេះ?
ប្រភព RT ចុះផ្សាយថ្ងៃទី ១៥ ខែវិច្ឆិកា ឆ្នាំ ២០១៩
