ប៉ូឡូញអាចនឹងត្រូវបង្ខំចិត្តចែកផ្លូវជាមួយសហភាពអឺរ៉ុបប្រសិនបើការកែទម្រង់ប្រព័ន្ធតុលាការដែលមានភាពចម្រូងចម្រាសដែលត្រូវបានបង្កើតឡើងដោយគណបក្សច្បាប់ និងយុត្តិធម៌ (PiS) ទទួលបានផ្លែផ្កាទោះបីជាមានការប្រឆាំងយ៉ាងខ្លាំងពីទីក្រុងព្រុចសែលក្តី ក៏តុលាការកំពូលរបស់ប៉ូឡូញព្រមានកាលពីថ្ងៃអង្គារនេះផងដែរ។
តុលាការនិយាយថា“ ការខ្វែងគំនិតគ្នារវាងច្បាប់ប៉ូឡូញ និងច្បាប់អ៊ឺរ៉ុប…នឹងធ្វើឱ្យមានអន្តរាគមន៏ពីស្ថាប័នសហភាពអឺរ៉ុបទាក់ទងនឹងការរំលោភលើសន្ធិសញ្ញាសហភាពអ៊ឺរ៉ុប ហើយក្នុងទស្សនវិស័យវែងជាងនេះនឹងនាំឱ្យមានតម្រូវការក្នុងការចាកចេញពីសហភាពអឺរ៉ុបដែលមានទំនាស់ជាមួយរដ្ឋាភិបាលស្តាំនិយមចាប់តាំងពីឆ្នាំ ២០១៥ នៅពេលដែល PiS ឡើងកាន់អំណាចនោះ។”
ស្ថាប័នសហភាពអ៊ឺរ៉ុបដែលមានឈ្មោះថាគណៈកម្មការអឺរ៉ុបឈានដល់ការដោះស្រាយការផ្លាស់ប្តូរប្រព័ន្ធតុលាការដែលក្រុមអ្នករិះគន់របស់ខ្លួនអះអាងថានឹងផ្តល់សិទ្ធិអោយអាយ PiS លើប្រព័ន្ធតុលាការរបស់ប្រទេស។ សេចក្តីព្រាងច្បាប់ដែលឥឡូវនេះស្ថិតនៅក្នុងសភានឹងឃើញចៅក្រមត្រូវរារាំងមិនឱ្យសាកសួរអំពីឯករាជ្យភាពនៃភាគីជាច្រើនរបស់ពួកគេដែលត្រូវតែងតាំងដោយក្រុមដែលគ្រប់គ្រងរដ្ឋាភិបាលនោះ។ ចៅក្រមក៏អាចប្រឈមនឹងការពាក់ព័ន្ធចំពោះការចូលរួមក្នុង“ សកម្មភាពនយោបាយ” នៅក្រោមច្បាប់ថ្មីនេះដែរ។
គណៈកម្មការនេះនិយាយកាលពីថ្ងៃអង្គារថា ខ្លួន “បន្តតាមដានស្ថានការណ៍នេះឱ្យបានដិតដល់” ហើយនៅតែទន្ទឹងរង់ចាំជជែកជាមួយ Warsawដើម្បី “ដោះស្រាយបញ្ហានេះ” ។ PiS ទទូចថាកំណែទម្រង់នេះនឹងជួយទប់ស្កាត់អំពើពុករលួយថែមទៀតផង៕
ប្រភព RT ចុះផ្សាយថ្ងៃទី ១៨ ខែធ្នូ ឆ្នាំ ២០១៩
