អ្នកធ្លាប់តែប្រើប្រាស់កម្មវិធីបកប្រែនៅក្នុងសេវាកម្ម Google Translate របស់ក្រុមហ៊ុន Google ជាជំនួយ ប៉ុន្តែបច្ចុប្បន្នអ្នកអាចប្រើប្រាស់កម្មវិធីបកប្រែភាសានោះនៅក្នុងឆាតបាន។
Gboard ជាកម្មវិធី Google Keyboard ដែលមានសមត្ថភាពផ្តល់សេវាកម្មបកប្រែភាសាក្នុង Chat លឿន រហ័ស ដោយអ្នកអាចវាយជាអក្សរ ឬបញ្ចូលជាសំឡេងក៏បាន។ សេវាកម្ម Google Translate នឹងប្រែភាសាដែលអ្នកបានបញ្ចូលទៅជាភាសាមួយទៀតដែលអ្នកចង់បាន។ ក្រៅពីប្រែភាសា Gboard ថែមទាំងផ្តល់មុខងារចំនួន៦ផ្សេងទៀតដូចជា៖
- Emoji serch
- Google Serch
- Stickers
- Customizable Themes
- Voice Typing
- Stickers Gallery
- Express yourself
ដើម្បីបើកដំណើរការកម្មវិធីនេះសូមអនុវត្តតាមជំហានរៀបរាប់ដូចខាងក្រោម។
ជំហ៊ានដំបូង៖ សូមអ្នកចូលទៅកាន់ Play Store សម្រាប់អ្នកប្រើប្រាស់ប្រព័ន្ធដំណើរការ Android និងចូលទៅកាន់ App Store សម្រាប់អ្នកប្រើប្រាស់ iOS ឬទូរស័ព្ទដៃ iPhone
ជំហាន់បន្ទាប់៖ សូមអ្នកស្វែងរក Gboard – the Google Keyboard
ជាបន្ត៖ សូមចុចលើពាក្យ Install -> Open -> Enable in Setting -> ចុចរំកិលប៉ូតុងមកព័ណ៌ខៀវដើម្បីបើកដំណើរការ Keyboard ក្នុងទូរស័ព្ទដៃរបស់អ្នក។
ក្រោយមកទៀត៖ សូមចុច Select Input Method->ចុចលើពាក្យ Keryboard ->Gboard។
ចុងបញ្ចប់៖ អ្នកអាចចូលទៅកម្មវិធីណាមួយដែលអ្នកចង់ឆាត និងវាយអក្សរ ឬបញ្ចូលជាសំឡេងក៏បាន។
បញ្ជាក់៖ កម្មវិធី Gboard ជំនាន់ថ្មី មានបន្ថែមមុខងារជំនួយក្នុងការស្វែងរកចំនួន ៤ផ្សេងទៀតមានដូចជា Google Serch, Youtube, Map, និង Contacts។ ដូចច្នេះ អ្នកអាចប្រើប្រាស់មុខងារជាច្រើននៅក្នុងឆាតដោយគ្រាន់តែដំឡើងកម្មវិធី Gboard នៅលើទូរស័ព្ទដៃរបស់អ្នក៕
អត្ថបទ៖ ប៉ោក លក្ខិណា
