បើសិនជាអ្នកមានការងារសំខាន់ៗដែលតម្រូវឱ្យអ្នកធ្វើការកត់ចំណាំជាប្រចាំ ប្រាកដណាស់អ្នកនឹងចំណាយពេលវេលាច្រើននៅក្នុងការប្រើប្រាស់កម្មវិធី Notes របស់ក្រុមហ៊ុន Apple បើសិនជាអ្នកប្រើប្រាស់នូវទូរស័ព្ទដៃ iPhone។
ជាមួយនឹងកំណែអាប់ដេតប្រព័ន្ធប្រតិបត្តិការ iOS 16 ថ្មី ក្រុមហ៊ុន Apple បាននាំមកជាមួយមុខងារចាក់សោរថ្មីសម្រាប់កម្មវិធី Notes ដោយអ្នកប្រើប្រាស់អាចប្រើការចាក់សោរជាពាក្យសម្ងាត់ ឬ មុខងារ Face ID បាន។
ដើម្បីអាចចាក់សោរដោយប្រើមុខងារ Face ID ឬ លេខកូដសម្ងាត់បាន សូមធ្វើតាមជំហានខាងក្រោម៖
• ជំហានដំបូង សូមចូលទៅកាន់កម្មវិធី Notes បន្ទាប់មកជ្រើសយកការកត់ចំណាំណាមួយដែលមិនត្រូវបានចាក់សោរ រួចសូមចុចលើប៊ូតុងចុចបីនៅខាងលើឈាងខាងស្តាំ។
• ជំហានបន្ទាប់ សូមចុចលើពាក្យ “Lock” បន្ទាប់មកសូមចុចលើពាក្យ “Use iPhone Passcode”។
• ជំហានទីបីក៏ដូចជាជំហានបញ្ចប់ សូមចុចលើពាក្យ “Contiue” និងពាក្យ “OK” ជាការស្រេច៕
រូបភាព៖ Future
អត្ថបទ៖ ប៉ោក លក្ខិណា
