បច្ចុប្បន្ន វីដេអូរបានក្លាយជាមធ្យោបាយដ៏សំខាន់បំផុតមួយ និងទទួលបានការពេញនិយមយ៉ាងខ្លាំងពីសំណាក់អ្នកប្រើប្រាស់បណ្តាញសង្គម ជាពិសេសក្នុងបរិបទប្រទេសកម្ពុជា។
វីដេអូរទាំងនោះ ត្រូវបានផលិតឡើងក្នុងគោលបំណងដើម្បីផ្សព្វផ្សាយព័ត៌មាន ចែករំលែកចំណេះដឹង បង្ហាញពីផលិតផល សេវាកម្ម និងវិស័យផ្សេងៗទៀតដែលពាក់ព័ន្ធ ដោយអាស្រ័យលើចំណង់ចំណូលចិត្ត និងគោលបំណងរបស់អ្នកផលិត។
យ៉ាងណាមិញ បច្ចុប្បន្ននេះ ការផលិតវីដេអូរទៀតសោតមិនទាមទារឲ្យអ្នកចេះជំនាញ IT ឬបទពិសោធន៍អ្វីច្រើននោះទេ។ អ្វីដែលអ្នកត្រូវមានគឺទូរស័ព្ទមួយគ្រឿង(ប្រភេទ Android ក៏បាន ឬក៏ប្រភេទ IOSក៏បាន) និងកម្មវិធីកាត់តវីដេអូរ Capcut។
តាមដានចប់អ្នកនឹងចេះ៖
១-ស្វែងយល់ និងស្គាល់ពីTool ក្នុងកម្មវិធី
២-អាចផលិតវីដេអូរពាណិជ្ជកម្ម
៣-អាចផលិតវីដេអូរបង្រៀនតាមOnline
៤-ផលិតវីដេអូរអប់រំ ឬ ការលើកទឹកចិត្ត
៥-អាចផលិតវីដេអូរបង្ហាញអតិថិជន
៦-អាចកាត់តវីដេអូរ សំរាប់ដំណើរទេសចរណ៍ ឬការកំសាន្តផ្សេងៗ
៧-អាចកាត់តវីដេអូរ អាពាពិពាហ៍ ឬកម្មវិធីផ្សេងៗ
៨-អាចកាត់តវីដេអូរ សំរាប់អាប់ឡូនក្នុង Youtube
៩-ផលិតវីដេអូរខារ៉ាអូខេ
១០-មានច្រើនទៀតតាមការច្នែរបស់អ្នក។ល។
Capcut ជាកម្មវិធីកាត់តដើម្បីផលិតវីដេអូរទាន់សម័យមួយ ដែលអាចឲ្យអ្នកកាត់ត ថែមថយ និងផលិតវីដេអូរដ៏អស្ចា្យមួយបានយ៉ាងងាយដោយខ្លួនឯង។ Capcut មានសមត្ថភាពពិសេសសំខាន់ៗមួយចំនួនដូចជា៖
-ការប្រើប្រាស់ និងមុខងារ៖ ងាយស្រួលដំឡើង និងងាយស្រួលប្រើប្រាស់ និងមិនមានភាព
ស្មុគស្មាញ
-គុណភាពវីដេអូរ៖ផ្តល់នូវកម្រិតភាពច្បាស់ត្រជាក់ភ្នែក និងគួរឲ្យចាប់អារម្មណ៍
-ចម្រៀង និងបទភ្លេង៖ប្រើបទចម្រៀងល្បីៗ ពិរសៗសម្បូរបែបមានគម្រូស្រាប់ៗ ឬយក
ចេញពីទូរស័ព្ទមកប្រើក៏បាន
-ស្ទីកគ័រ(Stickers)៖មានភាពសម្បូរបែប រើសម៉ូតណាក៏បាន ហើយបើមិនចង់ប្រើប្រាស់
ស្ទីគគ័រទេ អ្នកថែមទាំងអាចទាញយករូបភាពពីក្នុងទូរស័ព្ទមកដាក់លើ
វីដេអូរបស់អ្នកបានថែមទៀតផង
-ថែមព័ណ៌ ឬថែមវេទមន្ត(Effect)៖មានគ្រប់ប្រភេទឲ្យជ្រើសរើស ថែមភ្លើងស៊ុមលើវីដេអូ
លេងស្តាយហោះចេញ លោតចូល ធ្លាក់ពីលើ ចេញពីក្រោម ក្រលុកពី
ឆ្វេង គ្រលែងពីស្តាំដោយមានគម្រូស្រាប់ៗជាច្រើនសម្រាប់អ្នករើសបាន
តាមចិត្តដើម្បីយកមកប្រើប្រាស់ក្នុងវីដេអូរបស់អ្នកឲ្យកាន់តែទាក់ទាញ។
ដើម្បីចេះកាត់តវីដេអូរសូមអនុវត្តតាមវិធីងាយៗដូចខាងក្រោម៖
ជំហានទី១៖សូមចូលទៅ Appstore ឬPlaystore ដើម្បីទាញយកកម្មវិធី Capcut
ជំហានទី២៖សូមចុចបើកកម្មវិធី រួចរកពាក្យ New Project រួចហើយអ្នកអាចរើសយកវីដេអូរ
ពីក្នុងទូរស័ព្ទដៃរបស់អ្នកមកកាត់ត។(បញ្ជាក់នៅលើវីដេអូនឹងមានបន្ទាត់បញ្ឈ
ព័ណ៌សមួយ ដែលជាបន្ទាត់នោះសម្រាប់ឲ្យយើងរំកិល ឬយកទៅដាក់ត្រង់
កន្លែងដែលយើងចង់កាត់ត ឬថែមថយកែប្រែលើវីដេអូរ យកបន្ទាត់នោះដាក់
ត្រង់កន្លែងណាមានន័យថា អ្នកចង់កាត់ ឬចង់កែថែមថយត្រង់កន្លែងនោះ)។
ជំហានទី៣៖ត្រូវស្វែងយល់ពីមុខងារមួយចំនួនសិនថា អ្នកអាចធ្វើអ្វីបានខ្លះ។
នៅខាងឆ្វេងវីដេអូរដែលអ្នកអូសចូលមកនោះមានពាក្យ Mute Clip audio មានន័យថា អ្នកអាចបិទសំឡេងវីដេអូដើមចោលបាន។ បើសិនជាអ្នកចង់បើកវិញសូមយក Unmute វិញទៅបានហើយ។(***បញ្ជាក់រាល់ការកែច្នៃហើយកន្លែងណាមួយត្រូវចុចលើសញ្ញាធីចបើមិនដូច្នេះ ប្រយ័ត្នកម្មវិធីនេះមិនបាន Save ការកាត់តថែមថយរបស់អ្នក)។
Edit ជាកន្លែងកែវីដេអូរដែលមានផ្តល់មុខងារបន្ថែមដូចជា៖
-Split៖យកបន្ទាត់បញ្ឈដាក់ត្រង់ចំណុចដែលអ្នកចង់បំបែកវីដេអូរចេញពីគ្នា រួចចុចពាក្យ Spilt នោះអ្នកនឹងអាចផ្តាច់វីដេអូរចេញពីគ្នា។
-Speed៖អ្នកអាចកំណត់ល្បឿនវីដេអូរមានយឺតតិច យឺតខ្លាំង ដោយមានច្រើន
ប្រភេទអ្នកអាចរើសល្បឿនបានដោយខ្លួនឯង។
-Volume៖ជាកន្លែងបើកសំឡេងឲ្យខ្លាំង ឬខ្សោយដោយកម្រិតសំឡេងមានដល់
លេខ200។
-Animation កន្លែងថែមចលនាឲ្យវីដេអូរដោយមានផ្តល់03 មុខងារបន្ថែមទៀត៖
-In វីដេអូរនឹងលោតចេញពីក្នុងមក(មានច្រើនប្រភេទទៀត សូមចុចសាក
ល្បងដោយខ្លួនឯងបន្ថែមទៀត។)
-Out វីដេអូនឹងទាញចេញពីក្រៅទៅ(មានច្រើនប្រភេទទៀត សូមចុចសាក
ល្បងដោយខ្លួនឯងបន្ថែមទៀត។)
-Combo ជាអ្នកកន្លែងដែលរើសចលនាវីដេអូរបែប 3D
-Remove Background ជាកន្លែងដែលយើងអាចលុបបេកក្រោណ (Background)
ដោយចុចម្តងមានន័យថាលុប ចុចលើវាពីរដងមានន័យថាទាញ
យកមកវិញ។
Audio ->Sound ជាកន្លែងដែលយើងដាក់បទភ្លេង ឬចម្រៀង។ អ្នកនឹងឃើញ៖
-ចម្រៀងផ្តល់ជាគម្រូស្រាប់ៗ
-Recommended៖ អ្នកនឹងឃើញចម្រៀងដែលស្នើឲ្យយើងរើស
-Extract៖មានន័យថា យើងអាចទាញយកតែបទភ្លេងពីវីដេអូផ្សេងៗទៀតក្នុង
ទូរស័ព្ទដៃរបស់យើង ដោយយើងមិនចាំបាច់យកវីដេអូរ ឬរូបភាពនោះទេ។ បើសិន
ជាអ្នកទាញចូលហើយ អ្នកអាចកំណត់ឲ្យវែងឬខ្លីត្រឹមណា ដោយការទាញវា។ (បើ
ចង់បានខ្លីបង្រួមវាឲ្យខ្លី នោះអ្នកនឹងដាក់ចម្រៀង ឬភ្លេងបានច្រើន បើចង់បានវែង
សូមទាញវាឲ្យផុតពីដើមវីដេអូរដល់ចប់វីដេអូរ។)
-Voiceover ជាកន្លែងដែលអ្នកអាចបញ្ចូលសំឡេងរបស់អ្នកទៅក្នុងវីដេអូរបាន
ហើយត្រូវ Mute វីដេអូរដើមសិនបើមិនដូច្នោះទេសំឡេងវីដេអូរ និងសំឡេងបញ្ចូល
របស់អ្នកនឹងលឺដំណាលគ្នា។
Text ជាកន្លែងដែលអ្នកចង់សរសេរអក្សរ ដោយផ្តល់មុខងារមួយចំនួនបន្ថែមទៀតដូចជា៖
-Keyboard កន្លែងដែលយើងប្រើ Keyboard របស់ទូរស័ព្ទដើម្បីសរសេរ
-Style ជាកន្លែងសម្រាប់លេងម៉ូតអក្សរមានដូចជារើសប្រភេទ រើសកម្រាស់ រើស
ផ្ទៃ រើសកំណត់ព័ណ៌ រើសតម្រឹមឆ្វេងស្តាំ រើសអក្សរដិត អក្សរត្រេត អក្សរមាន
បន្ទាត់ពីក្រោមជាដើម(សាកល្បងលេងម៉ូតអក្សរដោយបន្ថែមខ្លួនឯង)។
-Effect កន្លែងសម្រាប់លេងម៉ូតអក្សរស្រាប់ៗបន្ថែមទៀតតាមបែប3D និងព័ណ៌
ស្អាតៗ និងប្លែកៗបន្ថែមទៀត។
-Bubble រើសប្រអប់ស្រាប់ៗដាក់អក្សរ (មានច្រើនប្រភេទ គ្រប់ម៉ូត និងគ្រប់ទម្រង់
-Animation ដាក់ចលនាអក្សរ មានដាក់ឲ្យអក្សររត់ អក្សរលោត អក្សរហោះ អក្សរ
ហើរ ចេញពីឆ្វេងស្តាំ ចេញមុខក្រោយ ឬចេញពីលើក្រោមតាមចិត្ត។
-Text Template មានគម្រូស្រាប់ៗដែលរចនារួចឲ្យយើងរើសមានដូចជាប្រភេទ
អក្សររត់ ចំណងជើង ដាក់ម៉ោង ដាក់ Subtitle ដាក់សារ ដាក់សញ្ញា ដាក់ប្រអប់
ដាក់ចំណងជើងដូចចំណងជើងព័ត៌មានលើកញ្ចក់ទូរទស្សន៍ជាដើម។
-Auto Caption -បើសិនជាអ្នកបើកវាឲ្យមានដំណើរការមានន័យថា យើងបើក
ឲ្យមានអក្សររត់ពីក្រោមវីដេអូរនោះខណៈដែលមនុស្សកំពុងនិយាយគ្នា។
-Sticker ជាកន្លែងដែលយើងអាចយករូបភាពពីទូរស័ព្ទ(កន្លែងមានសញ្ញា+)មកដាក់
លើវីដេអូរ ឬថែម Sticker ដែលមានគម្រូស្រាប់ៗនឹងមកប្រើ(មានដល់ទៅ38ប្រភេទ
សូមចុចមើលឲ្យអស់ និងរើសតាមចិត្ត)។
(បញ្ជាក់៖បើចង់បានបង្ហាញអក្សររយៈពេលខ្លីសូមទាញវាបង្រួមឲ្យខ្លី បើចង់ឲ្យអក្សរ
ដែលអ្នកបញ្ចូលបង្ហាញដល់ផុតវីដេអូរនោះសូមទាញវាឲ្យវែងផុតចាប់ពីដើមវីដេអូរ
ដល់ចប់វីដេអូរ។)
Overlay->Add Overlay ជាកន្លែងដែលយើងចង់បន្ថែមវីដេអូរមួយទៀតពីលើវីដេអូររបស់
យើង(ឈប់សិន!មិនមែនមួយទៀត គឺអាចថែមវីដេអូរផ្សេងទៀតបានច្រើនលើសពី
មួយ អាច ១០ ឬ២០ សូមសាកល្បងបន្ថែមដោយខ្លួនឯង)។
Effects-> Add Effects ប្លែកទៀតហើយ ដោយអ្នកអាចថែមម៉ូត ថែមស៊ុមខ្យូតៗ មានដល់
ទៅ 15ប្រភេទឲ្យរើសដូចជា៖Trending, Magic Make Up, Basic, Mood, Variety,
Love, Bling, Shadow, Party, Texture, Retro, Split, Nature, Frame ជាដើម។ (សូម
ចុចមើលមួយៗឲ្យអស់)។
Filter មិនចំឡែកទេ គឺជាកន្លែងដែលយើងអាចប្តូរព័ណ៌វីដេអូរបស់យើង ដែលមានដល់ទៅ
7ប្រភេទដូចជា៖ Life, Food, Movie, Nature, Retro, B&W, និងStyle ជាដើម។
បញ្ជាក់យើងថែមទាំងអាចសារ៉េពន្លឺនៅកន្លែង Adjust ឬអាចលុបវាចោលវិញ
គឺ Delete។
Format ជាកន្លែងដែលអ្នកអាចរើសទំហំវីដេអូរ ដែលមានរហូតទៅដល់10ទំហំឲ្យអ្នក
ជ្រើសរើស។ សូមសាកល្បងរើសឲ្យគ្រប់ទំហំ សូមកុំចុចរំលងណា។
Canvas ជាកន្លែងដែលអ្នកអាចថែមបេកក្រោណ (Background) ដោយនៅក្នុងនោះមាន
មុខងារបន្ថែមដូចជា៖
-Color ដាក់ព័ណ៌ឲ្យបេកក្រោណរបស់វីដេអូរ
-Background គឺរើសបេកក្រោណសម្រាប់វីដេអូរ ដោយអ្នកអាចយករូបចេញពី
ទូរស័ព្ទរបស់អ្នក ឬយករូបស្រាប់ៗដែលស្អាតៗ និងខ្យូតៗ ហើយថែមទាំងមាន
ច្រើនប្រភេទ សូមចុចមើលខ្លួនមើលខ្លួនឯងបន្ថែមទៀត។
Blur ជាកន្លែងដែលយើងអាចដាក់ឲ្យវីដេអូរព្រាល ដោយព្រាលតិច ព្រាលខ្លាំង ឬព្រាលជិត
ឈឹងតែម្តង។
Adjust ជាកន្លែងដែលយើងថែម effects ឬកំណត់ព័ណ៌បន្ថែមទៀតលើវីដេអូរ។
Beauty ជាកន្លែងកែសម្រស់ឲ្យសាច់ម៉ត់
Voice Effect កែសំឡេង
ចុងបញ្ចប់៖ ក្រោយពីបានកាត់ត សរសេរអក្សរ ថែមភ្លេង ថែមម៉ូតចប់ សូមអ្នកមើលទៅផ្នែក
ខាងលើវីដេអូរ ដោយទីនោះមានកន្លែងឲ្យអ្នកជ្រើសរើសកម្រិតភាពច្បាស់
របស់វីដេអូរ។ ចំណែកឯសញ្ញាព្រួញជាកន្លែងដែលអ្នកអាចរក្សាវីដេអូរដែលអ្នក
បានកាត់តរួចទៅទុកក្នុងទូរស័ព្ទដៃរបស់អ្នក៕
អត្ថបទ៖ ប៉ោក លក្ខិណា
