អ្នកប្រាកដជាស្គាល់ និងកំពុងប្រើប្រាស់រួមមកហើយនូវកម្មវិធីដែលអាចធ្វើការទំនាក់ទំនងគ្នាដ៏ពេញនិយមមួយតាមអនឡាញនោះគឺកម្មវិធី ” Telegram “។ ដូចដែលអ្នកបានដឹងហើយថា នៅក្នុងបរិបទប្រទេសកម្ពុជា កម្មវិធីTelegram គឺជាកម្មវិធីឆាតអនឡាញមួយប្រភេទ ដែលអាចអនុញ្ញាតឱ្យអ្នកប្រើប្រាស់ទំនាក់ទំនងជាមួយមិត្តភក្តិ ក្រុមគ្រួសារ ឬការងារបានតាមរយៈការ Save Contact នៅក្នុងទូរស័ព្ទ។
មិនត្រឹមតែប៉ុណ្ណោះ កម្មវិធី Telegram ថែមទាំងអនុញ្ញាតឱ្យអ្នកប្រើប្រាស់អាចផ្ញើរ File បានរហូតទៅដល់ទំហំ 2GB ទៅកាន់គណនី Telegram ណាមួយក៏បាន។
ប៉ុន្តែ អ្នកធ្លាប់ដឹងទេថាកម្មវិធី Telegram មិនមែនត្រឹមតែជាកម្មវិធីឆាត និងផ្ញើរ File តែមួយមុខនោះទេ កម្មវិធីដ៏ពេញនិយមមួយនេះថែមទាំងមានផ្តល់នូវមុខងារ Bot មួយចំនួនបន្ថែមទៀតផង ដែលបង្កើតឡើងដោយអ្នកអភិវឌ្ឍន៍កម្មវិធី ឬក្រុមហ៊ុន Telegram ផ្ទាល់ ក្នុងគោលបំណងជួយសម្រួលដល់អ្នកប្រើប្រាស់ឱ្យមានភាពងាយស្រួលបន្ថែមទៀតក្នុងការប្រើប្រាស់មុខងារបន្ថែម។ ខាងក្រោមនេះគឺជាមុខងារនឹង ” Bot ” មួយចំនួនដែលមានប្រយោជន៍សម្រាប់អ្នក÷
⦁ Gmail Bot: ប្រើសម្រាប់ភ្ជាប់នូវគណនី Gmail របស់អ្នកទៅកាន់គណនី Telegram របស់អ្នក។ Gmail Bot គឺជាមុខងារមួយដែលអាចឱ្យអ្នកប្រើប្រាស់ ឬ ម្ចាស់ Gmail អាចទទួលបាននូវសារជូនដំណឹង(Notification) និងតបសារម៉េលបានលឿន និង
រហ័ស ដោយមិនចាំបាច់ចាកចេញពី Telegram ដើម្បីទៅបើកកម្មវិធីម៉េលនោះទេ។ នេះគឺជាតំណភ្ជាប់ (Link) សម្រាប់ចូលទៅកាន់ Gmail Bot: https://t.me/GmailBot
⦁ Spotify Save Bot: ប្រើសម្រាប់ដោនឡូត និងសម្រាប់ស្តាប់បទចម្រៀងមកពីជុំវិញពិភពលោកបានដោយលោកអ្នកមិនចាំបាច់ដោនឡូតពី YouTube រួច Convert ទៅជា File MP3 នោះទេ។ អ្នកគ្រាន់តែចូលទៅកាន់ Bot មួយនេះ រួចស្វែងរកបទចម្រៀងដែលលោកអ្នកចង់បាន រួចចុច Download ជាការស្រេច។ អ្នកអាចស្តាប់បទចម្រៀងតាមរយៈ Bot នេះបាន បើទោះបីជាអ្នកបិទ Screen ទូរស័ព្ទហើយក៏
ដោយ។ នេះគឺជាតំណភ្ជាប់(Link)សម្រាប់ចូលទៅកាន់ Spotify Save Bot:
https://t.me/spotifysavebot
⦁ វចនានុក្រម សម្តេច សង្ឃ ជួនណាត៖ Bot មួយនេះត្រូវបានបង្កើត និងចងក្រងឡើងដោយកូនខ្មែរ។ “ វចនានុក្រម សម្តេច សង្ឃ ជួនណាត” ប្រើសម្រាប់ឆែកនូវពាក្យរបស់ខ្មែរយើងដើម្បីដឹងអំពីអត្ថន័យនៃពាក្យ និងជាពិសេសនោះ Bot មួយនេះក៏អាចឱ្យអ្នកប្រើប្រាស់ឆែកនូវពាក្យស្រដៀងគ្នា ដោយសរសេរនូវពាក្យភ្ជាប់ជាមួយសញ្ញា ( * ) ឧទាហរណ៍: ការងារ* ឬ Face*។ នេះគឺជាតំណភ្ជាប់(Link) សម្រាប់ចូលទៅកាន់ “⦁ វចនានុក្រម សម្តេច សង្ឃ ជួនណាត”៖ https://t.me/chuonnath_dictionary_bot
⦁ Office2pdf: ប្រើសម្រាប់បំលែង(convert)នូវរូបភាព ឯកសារWord ឯកសារ Excel និងសាររបស់អ្នកទៅជា File PDF ដោយលោកអ្នកគ្រាន់តែចុចតាមការណែនាំរបស់ Bot នោះ រួចផ្ញើររូបភាពណាមួយចាប់ពី២ ឬច្រើន នោះ Bot ” Office2pdf ” នឹងធ្វើការបំលែងរូបភាពទាំងអស់នោះ ទៅជា File PDF ជូនអ្នកបានដោយឆាប់រហ័ស និងងាយស្រួល។ នេះគឺជាតំណភ្ជាប់ (Link) សម្រាប់ចូលទៅកាន់ ⦁ Office2pdf៖ https://t.me/office2pdf_bot
⦁ PollBot៖ Bot មួយនេះមានសារៈសំខាន់ណាស់សម្រាប់ការធ្វើការងារជាក្រុមដែលត្រូវការបោះឆ្នោតដើម្បីជ្រើសរើសនៅចម្លើយណាមួយ។ ដើម្បីបង្កើតនូវការ Vote ឬ Poll បានអ្នកត្រូវធ្វើតាមការណែនាំរបស់ Bot ដោយដំបូង Bot តម្រូវឱ្យអ្នកចុចលើ ” /start ” រួចបំពេញសំណួរ Poll របស់អ្នក។ បន្ទាប់មក អ្នកត្រូវដាក់ចម្លើយដែលអ្នកចង់ឱ្យអ្នកដទៃទៀតបោះឆ្នោត ឬចុចបោះឆ្នោតឲ្យ។ ក្រោយពីបំពេញចម្លើយអស់ហើយ អ្នកគ្រាន់តែសរសេរពាក្យថា ” /done ” នោះ PollBot នឹងធ្វើការបង្កើតនូវ Poll ជូនអ្នកដោយងាយៗ និងឆាប់រហ័សបំផុត។ នេះគឺជាតំណភ្ជាប់សម្រាប់ចូលទៅកាន់ ⦁ PollBot៖ https://t.me/PollBot
សម្រួលដោយ៖លក្ខិណា
