Instagram គឺជាកម្មវិធីបណ្តាញសង្គមមួយក្នុងចំណោមកម្មវិធីបណ្តាញសង្គមផ្សេងទៀតនៅក្នុងពិភពលោក ដែលអនុញ្ញាតឱ្យអ្នកអាចបង្ហោះរូបភាព វីដេអូ ឬបង្ហាញពីទង្វើប្រចាំថ្ងៃរបស់អ្នកបាននៅក្នុងមុខងារ My Story។ បន្ថែមពីនេះ កម្មវិធី Instagram ក៏ជាកម្មវិធីដែលជួយដល់ការធ្វើប្រាស្រ័យទាក់ទងគ្នារយៈតាមប្រព័ន្ធអេឡិចត្រូនិកអនឡាញផងដែរ។
ប៉ុន្តែបើសិនជាអ្នកមានការធុញទ្រាន់ និងមានគម្រោងចង់បញ្ឈប់ការប្រើប្រាស់កម្មវិធី Instagram ដើម្បីយកពេលវេលារបស់អ្នកទៅធ្វើរឿងអ្វីមួយផ្សេងទៀត អត្ថបទមួយនេះអាចនឹងមានប្រយោជន៍សម្រាប់អ្នក។ ដើម្បីអាចលុបគណនី Instagram របស់អ្នកបានជារៀងរហូត សូមធ្វើតាមជំហានខាងក្រោម÷
- ជំហានទីមួយ សូមធ្វើការស្វែងរក “Instagram Account Deletion Page” នៅក្នុងកម្មវិធី Browser ណាមួយរបស់អ្នក ឬ ចុចនៅលើ ”តំណភ្ជាប់មួយនេះ”។ បន្ទាប់ពីចូលទៅកាន់តំណភ្ជាប់ខាងលើហើយ សូមវាយបញ្ចូលគណនី Instagram របស់អ្នក (បញ្ជាក់: អ្នកអាចលុបគណនី Instagram របស់អ្នកបានតែនៅក្នុងកំព្យូទ័រ និងនៅក្នុងកម្មវិធី Browser តែប៉ុណ្ណោះ)។
![](https://i0.wp.com/cdn.nctc.gov.kh/2022/03/2-1.jpg?resize=696%2C393&ssl=1)
- ជំហានបន្ទាប់ កម្មវិធី Instagram នឹងសាកសួរអ្នកពីហេតុផលនៃការលុបគណនីរបស់អ្នក ដូចនេះ អ្នកអាចជ្រើសយកហេតុផលណាមួយបាន តាមរយៈជម្រើសដូចខាងក្រោម។
![](https://i0.wp.com/cdn.nctc.gov.kh/2022/03/3-1.jpg?resize=696%2C393&ssl=1)
- ជំហានទីបី បន្ទាប់ពីអ្នកបានជ្រើសយកជម្រើសណាមួយនៅផ្នែកខាងលើហើយ កម្មវិធី Instagram នឹងព្យាយាមប្រាប់ពីដំណោះស្រាយជូនអ្នក ប៉ុន្តែបើសិនជាអ្នកនៅតែចង់បន្តការលុបគណនីរបស់អ្នក អ្នកគ្រាន់តែធ្វើការវាយបញ្ចូលលេខសម្ងាត់របស់អ្នកម្តងទៀត រួចចុចលើពាក្យ “Delete caatww”។
![](https://i0.wp.com/cdn.nctc.gov.kh/2022/03/4.jpg?resize=696%2C393&ssl=1)
- ជំហានបញ្ចប់ សូមចុចលើពាក្យ “OK” ដែលលោតនៅរបាខាងលើដើម្បីបញ្ជាក់ពីការលុបគណនី Instagram របស់អ្នកជាការស្រេច៕
![](https://i0.wp.com/cdn.nctc.gov.kh/2022/03/5.jpg?resize=696%2C393&ssl=1)
បញ្ជាក់:សូមធ្វើការសម្រេចចិត្តមុនពេលអនុវត្តការលុបគណនីរបស់អ្នកដោយការទទួលខុសត្រូវ។
អត្ថបទ៖ប៉ោក លក្ខិណា
រូបភាពដោយ÷ tom’s guide